د ایران د ګمرکونو رییس: له افغانستان سره پر پوله ۲۴ ساعته ګمرکي فعالیت پیلولو ته چمتو یوو

په کابل کې د ایران سفیر علي رضا بیکدلي ویلي، چې د ایران د ګمرکونو د عمومي رییس عسکری سره یې د لېدنې پرمهال د ایران او افغانستان د ګمرکي همکاریو په اړه خبرې کړې دي.

په کابل کې د ایران سفارت نن د شنبې په ورځ، د لړم ۱۷مه د ایران د ګمرکونو د عمومي رییس له قوله ویلي، چې ایران په دوغارون، ماهي رود، میلک او شمتیغ په بندرونو کې ۲۴ ساعته ګمرکي فعالیت پیلولو لپاره چمتو دی.