د طالبانو د بلخ ولایت چارواکي وايي چې د چارشنبې په ورځ شاوخوا ۵۰۰ ټنه تازه مېوه ازبکستان ته ولېږدول شوه. دغه مېوه د ۲۵۰ زره ډالرو په ارزښت ده او طالب چارواکي وايي چې یاد صادرات به په دوامداره توګه جاري وي.
د طالبانو د بلخ ولایت چارواکو زیاته کړې چې په نږدې راتلونکي کې به د تازه سبزیو او غوښو صادرات هم پیل شي، چې د ازبکستان له لارې به د مرکزي اسیا نورو هېوادونو ته هم استول کېږي.
د بلخ د محلي چارواکو په وینا، دغه صادرات د افغانستان او ازبکستان ترمنځ د یوې ګډې سوداګریزې موافقې پر بنسټ کېږي.
د طالبانو په ولکه کې ارګ د چارشنبې په ورځ وویل، چې په ګلخانې ماڼۍ کې په دې مناسبت جوړه شوې غونډه کې ددې ډلې د بهرنیو چارو وزیر امیر خان متقي او د چارو د ادارې مشر ملا عبدالواسع هم حضور درلود.
ملا حسن د قطر او ددې ډلې ترمنځ همکارایو او اړیکو ته په اشارې ویلي:«قطر هیواد په ډېرو سختیو کې له موږ سره همکاري کړې چې مننه یې کوو. الله تعالی دې وکړي چې زموږ په اړیکو او همکاریو کې لاښه والی او پرمختګ راشي.»
بل خوا د قطر نوي سفیر مردف بن علي القاشوطي ویلي چې «دا زما لپاره د ویاړ ځای دی چې په افغانستان کې د قطر د سفیر په توګه خپله دنده پیلوم او ژمنه کوم چې دقطر او افغانستان د اړیکو او همکاریو د لاپیاوړتیا لپاره به دوامدارې هڅې وکړم.»
قطر له ۲۰۱۳ ز کال وروسته طالبانو ته د سیاسي دفتر له پرانیستلو او دوحې پروسې وروسته د طالبانو او نړیوالو ترمنځ د اړیکو د مرکز په توګه پېژندل کیږي.
دا هېواد له ۲۰۱۸څخه تر ۲۰۲۰ کال پورې د طالبانو او امریکا ترمنځ د هغو مذاکراتو کوربه و، چې پایله یې د «دوحې تړون» و.