د طالبانو د کورنیو چارو وزارت له نشه يي توکو سره د مبارزې معیین ازبکستان ته لاړ

د دغه سفر موخه د مرکزي اسیا هېوادونو د سیمه‌ییزو معلوماتو او مخدره توکو پر وړاندې د همغږۍ مرکز په غونډه کې ګډون دی.

ټاکل شوې دغه ناسته د روان میلادي کال د دسمبر پر۵مه د ازبکستان په سمرقند ښار کې ترسره شي.

تمه کېږي په غونډه کې به د مخدره موادو پرضد د مبارزې لارې، سیمه‌ییزه همغږي او د ګډو هڅو د پیاوړتیا پر موضوعاتو بحث وشي.