د ملګرو ملتونو د عمومي غونډې مشره انالینا بربوک ویلي، چې نړۍ باید د بشري مرستو کارکوونکو او اړوندو سازمانونو لپاره هغه خوندیتوب، مالي امکانات او سیاسي ملاتړ برابر کړي چې دوی ورته اړتیا لري.
بربوک دا څرګندونې د چهارشنبې په ورځ د ډسمبر لسمه چې د بشري حقونو له نړۍوالې ورځې سره برابره ده، کړې دي.
هغې د بشري حقونو د نړۍوالې ورځې په اړه ویلي، چې دا ورځ «موږ ته را په زړه کوي چې زموږ د ډېرو لپاره حقونه په هماغه ورځنیو شېبو کې څرګندېږي چې ډېر وخت پرې سترګې پټوو. هغه شېبې چې ښايي کوچنۍ ښکاره شي، خو ژور او بنسټیز ارزښت لري.»
هغې هیله څرګنده کړې، چې د داسې یوې نړې په هیله ده چې هر انسان هره ورځ پر خپلو حقونو ډاډمن وي.
