د خامنهیي پر اېکس خپور شوی پیغام: ډېر ژر به د ایرانیانو په زړونو کې د بریا احساس خپور شي
د علي خامنهیي پر اېکسپاڼه د ایران د مذهبي مشر انځور خپور شوی او لیکلي یې دي: «انشاءالله ډېر ژر به خدای د ټولو ایرانیانو په زړونو کې د بریا احساس خپور کړي».
دا په داسې حال کې ده، چې علي خامنهیي په ایران کې روانو لاریونونو ته په خپل لومړي غبرګون کې ویلي و: «د امریکا د خوشحاله کولو لپاره یو څو ورانکاره کسان د خپل هېواد ودانۍ او بنسټونه ویجاړوي».
