سرچینې: ملاهبت الله د برېښنا پخوانی رییس عبدالباري عمر د فساد له امله ګوښه کړی

د طالبانو د بهرنيو چارو وزارت نن سې شنیه، د مرغومي پر ۲۳مه نېټه د یوې اعلامیې په خپرولو سره لیکلي، چې د یاد وزارت وزیر امیر خان متقي په افغانستان کې د ملګرو ملتونو مرستندویه ماموریت د سرپرستې او سیاسي څانګې مشرې جورجټ ګانیون سره ولیدل.

د وزارت په وینا، په لیدنه کې افغانستان ته، په سولې او سیاسي چارو کې د ملګرو ملتونو د سرمنشي د مرستیالې میرمن روزمیري ډیکارلو پر سفر ، د دوحې پروسې په چوکاټ کې د مخدره توکو سره د مبارزې او خصوصي سکتور د حمايې د کاري ډلو پر پرمختګونو او راتلونکو ناستو خبرې وشوې.

امیرخان متقي یادونه کړې، چې د طالبانو له خوا د دوحې پروسې په کاري ګروپونو کې قناعت بښونکی پرمختګ شوی خو په مقابل کې بیا نور لوري نه دي توانیدلي چې د بدیل معیشت او د بانکي ستونزو د حل په تړاو قناعت بښونکې لاسته راوړنې ولري.

متقي ویلي، چې نو اړینه ده چې اړوند لوري هم کوټلي ګامونه واخلي څو په نورو برخو کې هم پرمختګونه وشي.

د یوناما سرپرستې جورجیټ د روانې میاشتې په پای کې افغانستان ته د ملکرو ملتونو د سرمنشي د مرستیالې میرمن روزمیري ډیکارلو د سفر یادونه کړې او په دې برخه کې یې د طالبانو د همکارۍ غوښتنه کړې ده.

جورجیټ همداراز د دوحې پروسې د دوه کاري ډلو د مخکینيو ناستو پایلې مثبتې بللې او یادونه یې کړې چې په دې برخه کې به لا نوره توجه وشي.

د طالبانو د بهرنیو چارو وزارت د روان کال د مرغومي ۲۳مه ویلي و، چې امیر خان متقي په سیاسي او د سولې ټینګښت چارو کې د ملګرو ملتونو د سرمنشي مرستیالې روزمیري ډیکارلو سره ټلیفوني خبرو کې ویلي و: «بشري موضوعات باید له سیاست سره ونه تړل شي، خو بدبختانه چې په عمل کې دا کار کیږي.»

دا څرکندونې په داسې حال کې کېږي،چې په دې وروستیو کې طالبانو په افغانستان کې د ملګرو ملتونو اړوند دفترونو کې کارمندانې دفترونو او کار ځایونو ته له تلو څخه منعه کړې دي.

د کندهار ځینو اوسیدونکو نن سې شنبه، د مرغومي پر ۲۳مه وویل له کندهار او شاوخوا ولایتونو څخه ګڼ شمېر عام خلک ددغه ولایت د ډنډ ولسوالۍ اړوند رېګ سیمې ته د مېلو لپاره ورتلل خو اوس دغه بندیز د دوی ټولنیز ژوند نور هم محدود کړي.

د کندهار رېګو سیمه ته خلک د موټرو ځغلولو ترڅنګ د خپلمنځي مېلو لپاره تلل.

رېګ چې ابراهیم خلیفه بابا زیارت ته څېرمه او له استوګنیزو سیمو لرې پروت دی، د ژمي په ورځو کې د مېلو او تفریح ځای و.

د ټولنیزو رسنیو ځینو کاروونکو د طالبانو دې پرېکړې ته غبرګون ښودلی او وايي، چې له دې وروسته نه شي کولی چې رېګ سیمې ته هم پر چکر لاړ شي.

له دې وړاندې د ملګرو ملتونو د بشري حقونو عالي کمېشنر فولکر تورک ویلي و، چې د طالبانو تر دویمې واکمنۍ څلور کاله وروسته څرګنده شوې چې یادې ډلې په دې موده کې د افغانستان ښځې له ټولنیز ژوند څخه په بشپړ ډول اېستلې دي.

د طالبانو د عامې روغتیا وزارت نن سې شنبه، د مرغومي پر ۲۳مه په اېکس کې لیکلي، چې د یاد وزارت عامې روغتیا وزارت د روغتیایي خدمتونو وړاندې کولو مرستیال عبدالولي حقاني او مل پلاوي قطر کې د بشري روغتیايي همکاریو او کتلوي معافیت لوړولو په تړاو جوړه شوې نړیواله ناسته کې ګډون وکړ.

دغه ناسته د روغتیايي شریکانو، نړیوالو بنسټونو او مرسته‌ کوونکو هېوادونو ترمنځ د همغږۍ او ګډو هڅو پیاوړتیا په موخه جوړه شوې ده.

د طالبانو په خبرپاڼه کې راغلي، چې ددې ډلې د پلاوي د ګډون اساسي موخه د روغتیا په برخه کې د نړیوالو مرستو بهیر د لومړیتوبونو، روغتیا ملي پالیسۍ او د افغانستان روغتیايي سیستم د اړتیاوو سره سم منظمول او همغږي کول و، څو مرستې اغېزناکې، شفافې او دوامدارې شي.

د طالبانو د عامې روغتیا وزارت مرستیال له نړیوالو مرستندویانو وغوښتل، چې د افغانستان د روغتیايي سکتور لپاره خپله مالي او تخنیکي همکاري نوره هم پراخه کړي.

طالبان د افغانستان روغتیا سکتور په اړه په داسې حال کې اندېښنې څرګندوي، چې دې ډلې په هېواد کې د ښځینه نرسانو او ډاکترانو د کار او ټولنیزې او تدریسي برخې محدودې کړې دي.

د وزارت په خپره شوې اعلامیه کې ویل شوي چې دا پرېکړه د پاکستان د فدرالي عوایدو بورډ د یو ځانګړی معافیت تر تصویب وروسته شوې ده. ددې معافیت موخه د بند پاتې ټرانزیټي مالونو د تصفیې او د هغوی د لېږد بهیر اسانه کول ښودل شوي دي.

تر اوسه طالبانو په دې اړه څه نه دي ویلي.

دا په داسې حال کې ده، چې له دریو میاشتو راهیسې پر ډیورنډ کرښه تر سختو نښتو وروسته له پاکستان سره د افغانستان ټولې لارې تړل شوې دي او د دواړو هېوادونو ترمنځ سوداګري هم په ټپه ولاړه ده.

د طالبانو د هرات ولایت مقام رسنیز دفتر د سې شنبې په ورځ د یوې خبرپاڼې په خپرولو سره ویلي چې اسلام جار دغه څرګندونې د هرات د ولایت مقام د مطبوعاتي دفتر له لوري د «اسلامي ټولنې پر وړاندې د رسنیو رول» تر سرلیک لاندې درې ورځني علمي او فرهنګي سمینار کې کړې دي.

نوموړي همدارنګه ټینګار کړی چې خبریالان دې د محتوا د تولید او د فکري روزنې په بهیر کې له علماوو او د پوهنتون له استادانو څخه ګټه واخلي او د صداقت، امانتدارۍ او ټولنیزې مسوولیت‌پذیرۍ په رعایت سره دې د حقایقو بیان ته دوام ورکړي.

دا په داسې حال کې ده چې تر دې مخکې د افغانستان د خبریالانو مرکز ویلي و، په ۲۰۲۵ کال کې یې د طالبانو تر واکمنۍ لاندې افغانستان کې له خبریالانو سره د تاوتریخوالي او د رسنیو ازادۍ د سلب لږترلږه ۲۰۵ پېښې ثبت کړې دي.

دغه مرکز په خپل کلني رپوټ کې ویلي و، چې د تېر کال پرتله دغه پېښې نږدې درېیمه برخه ډېرې شوې دي.

د افغانستان خبریالانو مرکز په وینا، په ۲۰۲۵ کال کې په افغانستان کې دوه د رسنیو کارکوونکي وژل شوي، درې ټپیان شوي او همدا راز د ۱۶۶ خبریالانو د ګواښل کېدو او ۳۴ نورو د نیول کېدو خبر ورکړ شوی دی.