د قطر د لومړي وزیر سلاکار او د بهرنیو چارو وزارت ویاند د دې په څرګندولو سره چې له ایران سره اړوندې ننګونې یوازې یوې موضوع پورې نه محدودېږي، وویل چې مذاکرات باید په داسې نوې بڼه تعقیب شي چې ټولې موضوعګانې پهکې پر مېز اېښودل شوې وي.
ماجد بن محمد الانصاري همداراز ټینګار وکړ، چې د سیمې هېڅ یو هېواد باید له مذاکراتو څخه ونه اېستل شي.
دا خبرې وروسته له هغه وشوې، چې اکسیوس د دوو باوري سرچینو په حواله خبر ورکړ، چې ایران له استانبول څخه عمان ته د مذاکراتو د ځای د بدلولو او همداراز یوازې له امریکا سره د دوه اړخیزو خبرو اترو غوښتنه کړې ده. دا په داسې حال کې ده، چې له دې وړاندې پرېکړه شوې وه چې د یو شمېر عربي او اسلامي هېوادونو استازي به هم د څارونکو په توګه په دې مذاکراتو کې ګډون ولري.
