د امریکا ولسمشر په سپینه ماڼۍ کې د جرمني له لومړي وزیر سره په لیدنه کې اعلان وکړ، چې دواړه به له یو بل سره ځنې ګډې هوکړې وکړي. نوموړي وویل، د جرمني له لومړي وزیر سره یې د ایران د روانو بدلونونو په اړه هم خبرې کړې دي او زیاته یې کړه: «په ایران کې هر څه ویجاړ شوي دي».
ټرمپ همدارنګه وویل: «اسراییل موږ دې ته نه یو اړ کړي چې جګړې ته داخل شو. کېدای شي ما هغوی اړ کړي وي. موږ له دغو لېونیانو سره په خبرو بوخت وو، خو ما په ټینګه احساس کړه چې هغوی غواړي لومړی برید وکړي او ما نه غوښتل چې داسې وشي».
د امریکا ولسمشر په دوام کې وویل: «د هغوی د توغندیو شمېر راکم شوی دی. د ایران رژیم پر هغو هېوادونو بریدونه کوي چې کېدای شي بېپرې ګڼل کېدل. هغوی پر داسې هېوادونو هم بریدونه وکړل چې له عملیاتو سره یې هېڅ تړاو نه درلود او دا ښيي چې موږ له کومې کچې بدچلند او ورانکارۍ سره مخ یو».
