په لوګر کې د پاکستان بېپیلوټه الوتکې ګرځي او طالبان یې د ويشتلو هڅه کوي
د لوګر ولایت لپاره د طالبانو د رسنیو دفتر وايي، د دغه ولایت پر فضا د پاکستان بېپيلوټه الوتکې ګرځي او دوی یې د ویشتلو هڅه کوي. دغه دفتر ویلی، پر یادو الوتکو د پرمختللو وسلو ډزې روانې دي او د لوګر ولس دې تشویش نهکوي.
دا په داسې حال کې ده، چې د طالبانو دفاع وزارت نن غرمه مهال اعلان وکړ چې د لوګر د مرکز اړوند په ابچکان سیمه کې یې د پاکستان یوه بېپيلوټه الوتکه ویشتلې او رانسکوره کړې ده.
