د ایران نیمه دولتي خبري اژانس اېسنا د چهارشنبې په ورځ د دغه هېواد د یوه پوځي چارواکي له قوله راپور ورکړی، چې که اسراییل او امریکا د ایران د نظام د پرځولو هڅه وکړي، نو ایران به د اسراییل د "ډیمونا" اټومي تاسیسات په نښه کړي.
د کرېکټ نړۍوالې شورا په تازه درجهبندۍ کې د افغانستان د ملي لوبډلې لوبډلمشر راشد خان د یو ورځنیو سیالیو په برخه کې د نړۍ غوره توپاچونکی وپېژندل شو. راشد خان د ۷۱۰ امتیازونو په ترلاسه کولو سره د انګلستان او سوېلي افریقا له لوبغاړو مخکې شو او لومړی مقام یې خپل کړ.
ورپسې د انګلستان څخه جوفرا ارچر د ۶۵۰ امتیازونو سره دویم ځای ترلاسه کړ، او د سویلي افریقا څخه کشاو مهاراج د ۶۴۶ امتیازونو په درلودو دریم ځای خپل کړ. همدارنګه، د نړۍ د غوره توپ وهونکو په برخه کې، د افغانستان بل وتلی لوبغاړی ابراهیم ځدران د ۷۶۴ امتیازونو ترلاسه کولو سره په نړیواله کچه دریم مقام ترلاسه کړ.
ورپسې د انګلستان جوفرا ارچر د ۶۵۰ امتیازونو په لرلو سره دویم او د سوېلي افریقا کیشو مهاراج د ۶۴۶ امتیازونو په لرلو سره درېیم مقام خپل کړ. همدارنګه، د نړۍ د غوره توپوهونکو په ډله کې د افغانستان بل وتلی لوبغاړی ابراهیم ځدراڼ د ۷۶۴ امتیازونو په ترلاسه کولو سره په نړۍواله کچه درېیم مقام ته پورته شو.
دا په داسې حال کې ده، چې د افغانستان د کرېکټ ملي لوبډلې لوبغاړي عظمتالله عمرزي بیا د کرېکټ د نړۍوالې شورا (ICC) په تازه درجهبندۍ کې د یو ورځنیو لوبو د غوره الراونډرانو په نوملړ کې لومړی مقام خپل کړ.
د ۲۰۲۶ کال د شل اوریز نړۍوال کرېکټ جام په لومړۍ نیمهپایلوبه کې د سوېلي افریقا او نیوزیلنډ لوبډلې سره مخ شوې. په دې سیالۍ کې نیوزیلنډ د غوره لوبې په پایله کې د ۹ ویکټو په توپیر بریا خپله کړه.
نیوزیلنډ چې د ګروپي پړاو په لوبه کې یې له سوېلي افریقا ماتې خوړلې وه، دا ځل یې خپل غچ واخیست او د سوېلي افریقا لوبډلې ته یې په نیمهپایلوبه کې ماتې ورکړه. نیوزیلنډ پچه وګټله او د توپاچونې پرېکړه یې وکړه. سوېلي افریقا په ټاکلو ۲۰ اورونو کې د ۸ ویکټو په زیان ۱۶۹ منډې وکړې. په دغه لوبه کې مارکو یانسن ۵۵ منډې وکړې، چې د خپلې لوبډلې لپاره تر ټولو ډېرې منډې وې.
په ځواب کې، نیوزیلنډ په یوازې ۱۲.۵ اورونو کې د یوې ویکټې په زیان ۱۷۳ منډې وکړې او په پوره ځواک سره یې لوبه وګټله.
د دې لوبې ستوری فین الن و، چې ۳۳ توپونو باندې یې ۱۰۰ منډې جوړې کړې او د لوبې تر پای پورې میدان کې پاتې شو. هغه د لوبې د غوره لوبغاړي جایزه هم ترلاسه کړه.
د تېر جمهوري نظام د کورنیو چارو وزارت پخوانی امنیتي معین جنرال خوشحال سادات ویلي، چې له پاکستان سره د شخړې په مقابل کې د افغانستان انساني ځواک او عقیده کولی شي، چې له هوايي بمباریو پرته د پاکستان دننه وضعیت بدل کړي.
د تېر جمهوري نظام دغه لوړپوړي جنرال د افغانستان او پاکستان ترمنځ د روانې شخړې په اړه پر خپلې اېکسپاڼې لیکلي، چې ښايي د پاکستاني الوتکو مهمات ډېر ژر ختم شي او د امریکا او اسراییل لهخوا پاکستان ته د جنګي الوتکو او مهماتو ورکړه لومړیتوب نهلري.
نوموړي زیاته کړې: «پایله دا ده چې ښايي د پاکستاني الوتکو مهمات ژر ختم شي او ستراتیژیکو زېرمنتون ته لاس کړي. خو هغه کار د هند سره د جګړې د ګواښ له امله نهشي کولی».
نوموړی په دې اند دی، چې د افغانستان انساني ځواک او پیاوړې دیني عقیده کولی شي پرته له هوايي بمباره د پاکستان دننه جدي فشار او ستره ستونزه رامنځته کړي.
د طالبانو او پاکستان ترمنځ شخړې هغه مهال پیل شوې، چې د فبروي میاشتې په ۲۱نېټه د پاکستان هوايي ځواکونو د پکتیکا او ننګرهار په ولایتونو کې پر پنځو ځایونو بریدونه وکړل.
د یادو بریدونو په غبرګون طالبانو یوه ورځ وروسته پر ډیورنډ کرښه د پاکستان پر امنیتي پوستونو بریدونه وکړل او له یادو بریدونو وروسته د پاکستان هوايي ځواکونو کابل، ننګرهار، خوست، پکتیا، کندهار او نورو ولایتونو باندې هوايي بریدونه وکړل او د دواړو لوریو ترمنځ شخړه لا هم دوام لري.
په کابل کې د ایران سفارت د چهارشنبې په ورځ د خپل مشر علي خامنهیي د مړینې له امله د غمرازۍ د لاسلیک رسمي مراسم ترسره کړل. په دې مراسمو کې د طالبانو د ریاستالوزرا اداري مرستیال عبدالسلام حنفي ګډون کړی و، چې د هغه په لاس لیکل شوی فارسي متن په رسنیو کې خپور شوی دی.
په دې لیکلو باندې په خواله رسنیو کې پراخې نیوکې او بحثونه شوې دي. د خواله رسنیو کاروونکو په دې متن کې یوې نیمګړې جملې د «را» کلمې دوه ځله په یوه جمله کې لیکل او د علي خامنهيي د لقب «ایتالله» غلط لیکل په ګوته کړي دي.
افغان لیکوال یونس نګاه په طنزیه ژبه لیکلي، چې دغه تسلیت لیک د املایي او دستوري تېروتنو ډک دی او د مبهمو نښو له امله هم ګډوډي رامنځته کوي او هم د خندا وړ تعبیرونه پیدا کولای شي.
د خواله رسنیو یوه کاروونکي امرالله نعمتي دا متن کمزوری بللی او د دې ابتدایي کیفیت ته یې اشاره کړې ده.
یو بل کاروونکي چې اخګر نومېږي د «عرض میدارم» د ډېر تکرار په تړاو نیوکه کړې او د ذبیحالله په نوم یو بل کس ویلي، چې متن هم د املایي او هم د انشاء له نظره نادرست دی او اصلاح ته اړتیا لري.
سره له دې چې په تېره یوه اوونۍ کې د پاکستان لهخوا د کابل په ګډون د افغانستان په ځینو نورو ولایتونو کې بریدونه ترسره شوي، خو طالبان وايي چې د افغانستان فضا د ملکي التنو لپاره په بشپړه توګه خونددي ده.
د طالبانو د ټرانسپورټ او هوايي چلند وزارت ویاند حکمتالله اصفي وايي، چې د افغانستان فضا د کورنیو او بهرنیو الوتنو لپاره په بشپړه توګه خوندي ده او ټول کورني او نړۍوال هوايي شرکتونه کولای شي په ډادمنه توګه د افغانستان له فضا څخه استفاده وکړي.
حکمتالله اصفي زیاده کړې:«د افغانستان پر فضا د عبوري الوتونو شمېر وخت ناوخت د بدلون په حالت کې وي، کله زیاتې او کله کمې وي. اوس مهال د عبوري الوتنو په شمېر کې زیاتوالی راغلی دی. ټولو هوايي شرکتونو ته ډاډ ورکوو چې کولای شي د افغانستان فضا انتخاب کړي».
د طالبانو د یاد وزارت ویاند ویلي، چې د افغانستان په ټولو هوايي ډګرونو کې خدمات فعال دي.
نوموړي دا څرګندونې پر داسې مهال کړې، چې د تیرې پنجشنبې ورځې راهیسې پاکستان د افغانستان د پلازمینې په ګډون په کندهار، خوست، ننګرهار او نورو ولایتونو کې څو ځله هوايي بریدونه کړي دي او یو شمېر سرچینو ویلي، چې د پاکستان د یادو بریدونو له امله د کندهار او کابل په هوايي ډګرونو کې د ځینو الوتنو په مهال وېش کې بدلون هم راغلی دی.