زېلېنسکي: له روسیې سره د بندیانو د نوې تبادلې امکان شته

عمران خان د یکشنبې په ورځ (د وري ۲مه) په خپله اېکس‌پاڼه لیکلي: «د دې هېواد [پاکستان] قاضیان باید پر خپل ځان وشرمېږي. موږ څو ځلي عدلیې ته مخه کړې، خو هغوی خپل روح د خپلو شخصي امتیازاتو په بدل کې پلورلی دی. هغوی خپل صداقت هم پلورلی دی».

خان زیاته کړې، قاضیان پوهېږي چې ماتولی یې نه‌شي، نو پرې د فشار راوړلو لپاره یې مېرمن په ۲۴ ساعته ډول په یوازېتوب کې ساتي او په باور یې دغه چاره هم د همدې قاضیانو په اجازه ترسره کېږي.

عمران چې ځان په غیرقانوني ډول زنداني شوی پخوانی لومړی وزیر ګڼي له اډیالې زندان څخه خپلو زامنو ته په ټیلیفوني خبرو کې څرګنده کړې: «هغوی [قاضیان] څنګه له بُشرا بي‌بي سره د داسې غیرانساني چلند اجازه ورکولی شي، یوازې د دې لپاره چې پر ما فشار راوړي. هغه [بُشرا بي‌بي] په ۲۴ ساعتونو کې ټول وخت په یوازېتوب کې تېروي».

خان زیاتوي، ټاکل شوې په اوونۍ کې یو ځلي له خپلې مېرمنې بُشرا بي‌بي سره د ۳۰ دقیقو لپاره وګوري، خو په وینا یې ډېری اوونۍ دغه پرېکړه هم نه‌عملي کېږي.

د نوموړي په باور، په اسلام کې پر ښځو، ماشومانو او زړو ظلم کول ناروا دي او په وینا یې، د قاضیانو موخې ښکاره دي او دوی په یوې ټولنه کې د عدالت مسوول دي. هغه زیاتوي: «هغوی [قاضیان] باید پر خپل ځان وشرمېږي».

ټيډرس ادهانوم د یکشنبې په ورځ (د وري ۲مه) په خپله اېکس‌پاڼه ویلي، په منځني ختیځ کې جګړه یوه خطرناک پړاو ته رسېدلې او په وینا یې داسې راپورونه ورکړل شوي، چې په ایران کې د نطنز د غني کولو پر مرکز او د اسراییل په دیمونا ښار کې چې اټومي تاسیسات په‌کې موقعیت لري، بریدونه شوي دي.

د اټومي انرژۍ نړۍوال اژانس د هغو پېښو په اړه څېړنه کوي، چې پرون د ایران په سوېل ختیځ او د اسراییل په دیمونا ښار کې راپور شوې وې. تر اوسه له ساحې بهر د غېر نورمال یا لوړې وړانګې د کچې هېڅ نښې نه‌دي لیدل شوي.

د روغتیا نړۍوال سازمان مشر زیاتوي: «پر اټومي سایټونو بریدونه د عامې روغتیا او چاپېریالي خوندیتوب لپاره مخ په زیاتېدونکي ګواښونه رامنځته کوي».

هغه وايي، د ایران، امریکا او اسراییل تر منځ د جګړې له پیل راهیسې د اټومي پیښې په صورت کې د عامې روغتیا له ګواښونو سره په اغېزناکه توګه د مبارزې په موخه د روغتیا نړۍوال سازمان په ۱۳ هېوادونو کې خپلو کارمندانو او د ملګرو ملتونو کارکوونکو ته لازمې روزنې ورکړې دي.

نوموړي د خپل پیغام په پای کې ویلي: «زه له ټولو خواوو په کلکه غوښتنه کوم چې تر ټولو زیاته نظامي زغم وښیې او له هر هغه اقدام څخه ډډه وکړي چې د اټومي پېښو لامل کېدای شي. مشران باید د کړکېچ کمولو ته لومړیتوب ورکړي او د ملکي وګړو ساتنه وکړي».

د روغتیا د نړۍوال سازمان د مشر دغه څرګندونې په داسې حال کې دي، چې له شاوخوا درېیو اوونیو راهیسې د ایران، امریکا او اسراییل تر منځ جګړه روانه ده.

د مارچ ۲۳مه د پاکستان د جوړېدو ورځ ګڼل کیږي.

په پاکستان کې یاده ورځ د دغه هېواد د ورځې په توګه هر کال نمانځل کیږي ، خو سږ کال د امنیتي لاملونو له مخې دا ورځ په رسمي مراسمو نه نمانځل کیږي.

تېر کال د مارچ پر۱۱ مه نیټه د بولان په دره کې جعفر ایکسپریس اورګاډی بلوڅ بېلتون غوښتونکې ډلې بي ايل اې له۴۵۰ مسافرو سره برمته کړی و او په دې پیښه کې ۵۰ کسان مړه او له سلو زیات ژوبل شوي وو.

په بلوچستان کې اورګاډي وخت ناوخته د بلوڅ بیلتون پالو تر بریدونو لاندې راځي.

روغتیايي کارکوونکو او د پولیسو سرچینو ویلي چې په نصیرات کې وژل شوي درې کسان د حماس تر مشرۍ لاندې د پولیسو ځواک غړي وو. په برید کې لس نور کسان ټپیان شوي دي.

په ورته ورځ، د غزې په شیخ رضوان سیمه کې په یوه جلا هوايي برید کې یو تن وژل شوی، چې د فتح وسله‌والې ډلې محلي مشر ګڼل شوی.

د اسراییل پوځ ویلي چې دواړې پېښې په غور څېړي.

د راپورونو له مخې د پښتو ژبې ټیکټاکره د خیبر پښتونخوا ایالت د اټک اوسیدونکې وه.

هغه په ​​ټیک ټاک کې له ۱.۲ میلیون څخه زیاتو پلویانو سره فعاله وه.

مېرمن ثنا ځینې وختونه په خپلو ویډیوګانو کې د افغانستان په ملي بیرغ جامو سره هم راښکاره کېده.

په ویډیو کې لیدل کیږي، چې د نوموړې خاوند له کوره راوځي او له موټر سره پر هغې ډزې کوي او په داسې حال کې، چې خواوشا یې ماشومان دي، وروسته خپله هم ځان وژني.

د اسلام اباد پولیسو وویل، چې دوی د پیښې له ځای څخه درې کارتوس او یوه تومانچه ترلاسه کړي دي.

چارواکو وویل، چې د ثنا میړه چې په اټک کې یو پخوانی پولیس افسر و، له وړاندې له دندې ګوښه شوی و.

ویل کیږي، چې دا پیښه د اسلام اباد په (اېچ ۱۱) سیمه کې د پولیسو مرکز ته نږدې شوې ده.