سټارمر او ټرمپ د هرمز تنګي پر بېرته پرانیستلو ټینګار وکړ
د برېتانیا د لومړي وزیر دفتر اعلان وکړ، چې د دغه هېواد لومړي وزیر کېیر سټارمر د یکشنبې په ماښام د امریکا له ولسمشر ډونالډ ټرمپ سره خبرې وکړې.
د برېتانیا د لومړي وزیر د دفتر د بیانیې لهمخې، سټارمر او ټرمپ د منځني ختیځ د اوسني وضعیت د څېړلو ترڅنګ، د نړۍوال بار وړلو او ټرانسپورټ د بیا پیل لپاره د هرمز تنګي پر بېرته پرانیستلو ټینګار وکړ.
