د اسراییل د پوځ ویاند: له ایران او حزبالله سره به جګړه څو نورې اوونۍ هم دوام وکړي
د اسراییل د پوځ ویاند وایي، هېواد به یې له ایران او د هغوی له نیابتي ډلې حزبالله سره څو نورې اوونۍ هم په جګړه کې ښکېل وي.
د ټایمز اسراییل د راپور لهمخې، نوموړي په یوه خبري ناسته کې زیاته کړه: «تمه کېږي چې له ایران او حزبالله سره په نښته کې څو نورې اوونۍ هم تېرې کړو».
د اسراییل د پوځ ویاند وویل: «د هرې ورځې په تېرېدو سره موږ ترهګر رژیم نور هم کمزوری کوو. موږ به ترهګر رژیم او د هغوی نیابتي ځواکونو ته اجازه ورنهکړو چې د اسراییل لپاره ګواښ جوړ کړي».
