د برېتانیا دفاع وزیر په سیمه کې د دغه هېواد د نظامي حضور د زیاتوالي خبر ورکړ
د برېتانیا دفاع وزیر جان هیلي د دوشنبې په ورځ (د وري ۳مه) وویل، چې «اېچاېماېس ډراګون» جنګي بېړۍ ختیځې مدیترانې ته رسېدلې، له نن شپې څخه یې عملیات پیل کړي او د قبرس له دفاعي ځواکونو سره به همغږي وکړي.
د برېتانیا دفاع وزیر همدارنګه اعلان وکړ، چې ډېر ژر به سپک څوګوني توغندي وېشتونکي بحرین ته او د توغندیو ضد دفاعي سیستم کویټ ته واستول شي.
نوموړي زیاته کړه، چې برېتانوي نظامي پلان جوړونکي د امریکا مرکزي قوماندانۍ (سنټکام) ته استول شوي، ترڅو له ۲۹ نورو هېوادونو سره یوځای د هرمز تنګي له لارې د خوندي تېرېدو په تضمین کې همکاري وکړي.
برېتانیا هوډ لري، چې د هرمز تنګي د امنیت په ټینګښت کې د رهبرۍ رول ولوبوي.
