د افغانستان د ملي امنیت ادارې پخواني رییس رحمتالله نبیل په هېواد کې د نوي تعلیمي کال له پيل سره سم ویلي، چې د نجونو پر مخ د ښوونځیو تړل یوازې د زدهکړو مخه نه نیسي، بلکې د افغانستان د راتلونکې دروازه هم تړي.
نوموړي پر اېکس په یوه پیغام کې ټینګار کړی، چې د هېواد راتلونکې د پوهې، پوهاوي او هیلو پر بنسټ جوړېږي او د زدهکړو مخنیوی یوازې یو سیاسي یا دیني تصمیم نه، بلکې د یوه ملت له برخلیک سره ښکاره دښمني ده.
نبیل زیاته کړې، چې کله ناپوهي تقدس پیدا کړي، نو تیاره واکمنه شي. د هغه په وینا، طالبان هغه ځواک دی چې افغانستان یې له رڼا څخه د تیارې پر لور بیولی دی.
هغه په پای کې هیله څرګنده کړې چې هېڅ تیاره تلپاتې نه ده او رڼا به بالاخره خپله لاره ومومي.
د یادولو وړ ده، چې طالبانو په افغانستان کې له واکمنېدو وروسته د نجونو پر مخ له شپږم ټولګي پورته د ښونځیو دروازې وتړلې او لاهم تړلې پاتې دي.
د طالبانو دغه حکم د ۱۴۰۳ کال د لیندي میاشتې پر څلورمه نېټه ددې ډلې د عامې روغتیا وزارت ته لېږل شوی او غوښتنه ترې شوې چې عبدالله اسراییل ارین پر ان جي اوګانو د طالبانو د عامې روغتیا وزارت نظارت او انسجام په برخه کې د مشاور په توګه وګومارل شي.
په مکتوب کې لیکل شوي، چې ارین له دې وړاندې د امریکايي ځواکونو په اېګل کمپ کې د ملکي مشاور په توګه کار کړی او انځورونه یې هم له دې حکم سره ضمیمه شوي دي.
افغانستان انټرنشنل دا انځورونه ترلاسه کړي دي، چې ښيي عبدالله اسراییل ارین له امریکايي ځواکونو سره ولاړ دی.
په ترلاسه شوي مکتوب کې د عبدالله اسراییل ارین د ګومارلو علتونه هم لیکل شوي دي.
لومړی علت یې دا ښودل شوی، چې د طالبانو تر واک لاندې افغانستان سره د بهرنیو هېوادونو مرستې پام وړ کمې شوې او بهرنیو شریکانو ته ډاډ ورکړل شي، چې د دوی مرستې وړ خلکو ته رسیږي او اړتیا ده له داسې کسانو د مشاورینو په توګه ګټه واخیستل شي، چې مخکې له نړیوالو سازمانونو سره کاري سابقه لري.
د طالبانو باخبره سرچینو افغانستان انټرنشنل ته وویل، چې ددې ګومارنې په تړاو د طالبانو د مشر ملاهبت الله دفتر او د استخباراتو لوی ریاست ته هم معلومات ورکړل شوي دي.
د تایید شويو معلوماتو له مخې، عبدالله اسراییل ارین د بهرنیو سازماونو له مسوولینو سره په ناستو او سفرونو کې د طالبانو د عامې روغتیا وزیر جلال جلالي ملتیا کړې ده.
د طالبانو یوه چارواکي، چې د امنیتي ستونزو له امله خپل نوم په ډاګه کول نه غواړي، افغانستان انټرنشنل ته وویل، « د امریکا د مرستو له کمېدو وروسته په داسې لارو چارو کار شوی چې د بېلابېلو پخوانیو بهرنیو موسسو او هېوادونو د امنیتي ادارو مشاورین وګومارل شي او بهرنۍ مرستې جذب شي».
د بهرنیو بنسټونو د راپورونو پر بنسټ، د ملاهبت الله پر ټولبښنې پنځه کاله تیریږي، خو ګڼ کورني کدرونه له هېواده وتلي او یا په کوردننه وزګار دي او د پخوانیو سرتېرو نیونې او وژنې لاهم نه دي درېدلې.
د بهرنیو هېوادونو د مرستو په کمېدو سره طالبانو په خپل اداري چوکاټ کې شل سلنه تنقیص هم عملي کړی دی.