ټرمپ: سوله د ځواک له لارې ترلاسه کېږي

د دغه اژانس په وینا، په متحده ایالاتو کې د وېسټ ټېکزاس انټرمدیټ سپک او خواږه اومه تېل د یکشنبې په ماښام (د وري ۲مه) د شیکاګو د کالیو په بورس کې د معاملاتو په بیا پیل سره د لنډ وخت لپاره لوړ شول، خو وروسته بیا ۹۷.۸۶ ډالرو ته راټیټ شول. دا شمېره د جمعې ورځې له ۹۸.۳۲ ډالرو بیې څخه یو څه ټیټه ده.

اسوشېټېډ پرېس زیاته کړې، چې د یکشنبې په ورځ د نړۍوال سټندرد یا برنټ خامو تېلو د هر بېلر بیه له ۱۱۱ ډالرو څخه یو څه پورته وه. د دغو تېلو بیه د جمعې په ورځ ۱۱۲.۱۹ ډالره او د تېرې اوونۍ په پیل کې ۱۱۹.۵۰ ډالرو ته رسېدلې وه.

یاد اژانس زیاته کړې، چې د بازار تحلیلګران وضعیت له نږدې څاري او په ځانګړي ډول وروسته له هغه چې د ایران اسلامي جمهوریت اعلان وکړ، که د انرژۍ پر تاسیساتو د برید په اړه د امریکا د ولسمشر ډونالډ ټرمپ ګواښ عملي شي، د هرمز تنګی به سمدستي او په بشپړ ډول وتړل شي.

مارک روټه د ایران پر وړاندې د امریکا د ولسمشر ډونالډ ټرمپ له اقدام څخه د ملاتړ ترڅنګ هغه یې اړین وباله او د عامه ملاتړ غوښتنه یې هم وکړه.

هغه وویل: «زه هیله‌مند یم چې د امریکا ولس له هغه [ټرمپ] څخه ملاتړ وکړي، ځکه چې هغه دا کار د ټولې نړۍ د امنیت لپاره کوي».

روټه زیاته کړه، د ناټو له غړو هېوادونو هم تمه کېږي چې له ټرمپ څخه ملاتړ وکړي او ان که همغږي لږه ځنډنۍ هم شي.

هغه همداراز په ډاګه کړه: «موږ په بشپړه توګه ډاډمن یو چې د هرمز تنګي پر بیا پرانېستلو به بریالي شو او د دې لپاره پلان جوړونه له وړاندې پیل شوې ده».

هغه څرګنده کړه، پر دې هم پوهېږي چې ټرمپ د پروسې له اوږدېدو ناخوښ دی، خو یو ځل بیا یې له نورو وغوښتل چې وضعیت درک کړي، ځکه نور هېوادونه باید له مخکینۍ خبرتیا پرته ځانونه دې موضوع ته چمتو کړي وای.

د شمالي کوریا دولتي رسنۍ ویلي، د دغه هېواد د ولسي اسمبلۍ لومړۍ غونډه د یکشنبې په ورځ (د وري ۲مه) پیل شوه او په یاده غونډه کې به په سوسیالیستي اساسي قانون کې پر تعدیلاتو او زیاتونو او همدارنګه د دولتي چارو د کمېسیون د ريیس او نورو دولتي مشرانو پر ټاکلو بحث وشي.

دا اسمبلۍ د شمالي کوریا هغه پارلمان دی، چې عموماً د دولت تګلارې په رسمي توګه تصویبوي، معمولاً د واکمن کارګر ګوند له کانګرس وروسته غونډې کوي، څو د ګوند پرېکړې په قانون بدلې کړي.

د راپور له‌مخې، په یاده غونډه کې به د دغه هېواد هغه پنځه کلن اقتصادي پلان هم وڅېړل شي، چې په فبرورۍ میاشت کې د ګوند په نهم کانګرس کې اعلان شوی وو.

تمه وه چې په متحده عربي اماراتو کې د اوکراین، روسیې او امریکا ترمنځ د جګړې د پای ته رسولو په موخه مذاکرات وشي، خو دغه خبرې اترې د روسي پلاوي له ګډون پرته یوازې د اوکراین او امریکا د استازو ترمنځ ترسره شوې دي.

د دغو دوه ورځنیو مذاکراتو له پای ته رسېدو وروسته، د اوکراین ولسمشر ولادیمیر زېلېنسکي وویل، چې دمګړی د واشنګټن ټول تمرکز د ایران او سیمې پر وضعیت دی، خو ټینګار یې وکړ چې د اوکراین جګړه هم باید پای ته ورسېږي.

نوموړي ویلي، چې له مذاکراتو داسې ښکاري چې له روسیې سره به تبادله ترسره شي.

زېلېنسکي زیاته کړې: «داسې نښې شته چې د جنګي بندیانو نوې تبادله به ترسره شي، چې دا به په حقیقت کې یو ډېر ښه خبر او د دې پخلی وي چې ډیپلوماسي کار ورکوي. موږ هیله لرو چې دا هڅې پایله ورکړي».

نوموړي تر دې وړاندې پر خپلو متحدینو غږ کړی و، چې پر روسیې د بندیزونو فشار وساتي او د روسیې د تېلو پر ټانکرونو سخت ګامونه پورته کړي، تر څو مسکو د تېلو له عوایدو بې‌برخې شي.

عمران خان د یکشنبې په ورځ (د وري ۲مه) په خپله اېکس‌پاڼه لیکلي: «د دې هېواد [پاکستان] قاضیان باید پر خپل ځان وشرمېږي. موږ څو ځلي عدلیې ته مخه کړې، خو هغوی خپل روح د خپلو شخصي امتیازاتو په بدل کې پلورلی دی. هغوی خپل صداقت هم پلورلی دی».

خان زیاته کړې، قاضیان پوهېږي چې ماتولی یې نه‌شي، نو پرې د فشار راوړلو لپاره یې مېرمن په ۲۴ ساعته ډول په یوازېتوب کې ساتي او په باور یې دغه چاره هم د همدې قاضیانو په اجازه ترسره کېږي.

عمران چې ځان په غیرقانوني ډول زنداني شوی پخوانی لومړی وزیر ګڼي له اډیالې زندان څخه خپلو زامنو ته په ټیلیفوني خبرو کې څرګنده کړې: «هغوی [قاضیان] څنګه له بُشرا بي‌بي سره د داسې غیرانساني چلند اجازه ورکولی شي، یوازې د دې لپاره چې پر ما فشار راوړي. هغه [بُشرا بي‌بي] په ۲۴ ساعتونو کې ټول وخت په یوازېتوب کې تېروي».

خان زیاتوي، ټاکل شوې په اوونۍ کې یو ځلي له خپلې مېرمنې بُشرا بي‌بي سره د ۳۰ دقیقو لپاره وګوري، خو په وینا یې ډېری اوونۍ دغه پرېکړه هم نه‌عملي کېږي.

د نوموړي په باور، په اسلام کې پر ښځو، ماشومانو او زړو ظلم کول ناروا دي او په وینا یې، د قاضیانو موخې ښکاره دي او دوی په یوې ټولنه کې د عدالت مسوول دي. هغه زیاتوي: «هغوی [قاضیان] باید پر خپل ځان وشرمېږي».