اسوشېټېډ پرېس: د جګړې په دوام سره د امریکا د اومه تېلو بیې لا هم بېثباته دي
اسوشېټېډ پرېس خبري اژانس په یوه راپور کې لیکلي، چې د متحده ایالاتو د اومه تېلو بیې لا هم بېثباته دي، ځکه د ایران جګړې په منځني ختیځ کې د کښتیو د تګراتګ او د تېلو د تولید مخه نیولې ده.
د دغه اژانس په وینا، په متحده ایالاتو کې د وېسټ ټېکزاس انټرمدیټ سپک او خواږه اومه تېل د یکشنبې په ماښام (د وري ۲مه) د شیکاګو د کالیو په بورس کې د معاملاتو په بیا پیل سره د لنډ وخت لپاره لوړ شول، خو وروسته بیا ۹۷.۸۶ ډالرو ته راټیټ شول. دا شمېره د جمعې ورځې له ۹۸.۳۲ ډالرو بیې څخه یو څه ټیټه ده.
اسوشېټېډ پرېس زیاته کړې، چې د یکشنبې په ورځ د نړۍوال سټندرد یا برنټ خامو تېلو د هر بېلر بیه له ۱۱۱ ډالرو څخه یو څه پورته وه. د دغو تېلو بیه د جمعې په ورځ ۱۱۲.۱۹ ډالره او د تېرې اوونۍ په پیل کې ۱۱۹.۵۰ ډالرو ته رسېدلې وه.
یاد اژانس زیاته کړې، چې د بازار تحلیلګران وضعیت له نږدې څاري او په ځانګړي ډول وروسته له هغه چې د ایران اسلامي جمهوریت اعلان وکړ، که د انرژۍ پر تاسیساتو د برید په اړه د امریکا د ولسمشر ډونالډ ټرمپ ګواښ عملي شي، د هرمز تنګی به سمدستي او په بشپړ ډول وتړل شي.
