د طالبانو د هرات ولایت د اطلاعاتو او کلتور ریاست ویلي چې د کوچني اختر په ورځو کې زرګونه «سیلانیانو» د یاد ولایت له تاریخي او تفریحي ځایونو لیدنه کړې. یاد ریاست نه دي ویلي، چې په دې ورڅو کې څومره بهرني سیلانیان دغو سیمو ته ورغلي دي.
یاد ریاست زیاته کړې ده چې یوازې د اختر په ورځو کې درې زره تنو له اختیارالدین کلا څخه لیدنه کړې، چې دا د عادي ورځو په پرتله د پام وړ زیاتوالی ښيي.
اختیارالدین کلا د هرات له مهمو تاریخي ودانیو شمېرل کیږي.
د طالبانو د هرات والي ویاندمحمد یوسف سعیدي ویلي دي چې بشپړ امنیتي تدابیر د دې سبب شول چې خلک په ډاډمنه فضا کې تاریخي ځایونو ته لاړ شي.
هغه همدارنګه ویلي چې د ولایت نورو تاریخي ځایونو لکه د هرات زاړه ښار، رومي دروازې او نورو تفریحي ځایونو هم په دې ورځو کې ګڼ شمېر لیدونکي لرل.
په افغانستان کې په اخترونو او نوروز کې خلک معمولا ښارونو، تاریخي او تفریحي ځایونو ته ورځي.
طالبانو نه دي ویلي، چې په دې ورځو کې بهرنیو سیلانیانو هم له یادو سیمو لیدنه کړې ده او که نه.
د طالبانو دغه حکم د ۱۴۰۳ کال د لیندي میاشتې پر څلورمه نېټه ددې ډلې د عامې روغتیا وزارت ته لېږل شوی او غوښتنه ترې شوې چې عبدالله اسراییل ارین پر ان جي اوګانو د طالبانو د عامې روغتیا وزارت نظارت او انسجام په برخه کې د مشاور په توګه وګومارل شي.
په مکتوب کې لیکل شوي، چې ارین له دې وړاندې د امریکايي ځواکونو په اېګل کمپ کې د ملکي مشاور په توګه کار کړی او انځورونه یې هم له دې حکم سره ضمیمه شوي دي.
افغانستان انټرنشنل دا انځورونه ترلاسه کړي دي، چې ښيي عبدالله اسراییل ارین له امریکايي ځواکونو سره ولاړ دی.
په ترلاسه شوي مکتوب کې د عبدالله اسراییل ارین د ګومارلو علتونه هم لیکل شوي دي.
لومړی علت یې دا ښودل شوی، چې د طالبانو تر واک لاندې افغانستان سره د بهرنیو هېوادونو مرستې پام وړ کمې شوې او بهرنیو شریکانو ته ډاډ ورکړل شي، چې د دوی مرستې وړ خلکو ته رسیږي او اړتیا ده له داسې کسانو د مشاورینو په توګه ګټه واخیستل شي، چې مخکې له نړیوالو سازمانونو سره کاري سابقه لري.
د طالبانو باخبره سرچینو افغانستان انټرنشنل ته وویل، چې ددې ګومارنې په تړاو د طالبانو د مشر ملاهبت الله دفتر او د استخباراتو لوی ریاست ته هم معلومات ورکړل شوي دي.
د تایید شويو معلوماتو له مخې، عبدالله اسراییل ارین د بهرنیو سازماونو له مسوولینو سره په ناستو او سفرونو کې د طالبانو د عامې روغتیا وزیر جلال جلالي ملتیا کړې ده.
د طالبانو یوه چارواکي، چې د امنیتي ستونزو له امله خپل نوم په ډاګه کول نه غواړي، افغانستان انټرنشنل ته وویل، « د امریکا د مرستو له کمېدو وروسته په داسې لارو چارو کار شوی چې د بېلابېلو پخوانیو بهرنیو موسسو او هېوادونو د امنیتي ادارو مشاورین وګومارل شي او بهرنۍ مرستې جذب شي».
د بهرنیو بنسټونو د راپورونو پر بنسټ، د ملاهبت الله پر ټولبښنې پنځه کاله تیریږي، خو ګڼ کورني کدرونه له هېواده وتلي او یا په کوردننه وزګار دي او د پخوانیو سرتېرو نیونې او وژنې لاهم نه دي درېدلې.
د بهرنیو هېوادونو د مرستو په کمېدو سره طالبانو په خپل اداري چوکاټ کې شل سلنه تنقیص هم عملي کړی دی.