ټرمپ وایي له ایران څخه یې د هرمز تنګي په اړه یوه "ډالۍ" ترلاسه کړې ده
د امریکا ولسمشر ډونالډ ترمپ ویلي، چې ایران د هرموز تنګي په تړاو تېره ورځ یو حیرانوونکی اقدام ترسره کړی دی او دوی یوه ډالۍ هم ترلاسه کړې ده. هغه زیاته کړه: «دا یوه ډېره ستره ډالۍ ده، چې ډېر لوړ ارزښت لري. نه غواړم ووایم چې څه شی و، خو دا یو ډېر مهم امتیاز و».
ټرمپ وویل، چې دا ډالۍ «د هرمز تنګي پورې تړاو لري».
د نوموړي په خبره: «تاسو پوهېږئ، زما نه خوښېږي چې دا خبره وکړم، خو موږ دا جګړه ګټلې ده. موږ رښتیا هم خپلې الوتکې د تهران او د هغوی د هېواد د نورو سیمو پر فضا ور خوشې کړې دي او هغوی هېڅ هم نهشي کولای».
د امریکا ولسمشر همدارنګه وویل، چې سعودي عربستان، متحده عربي امارات او قطر د ایران اسلامي جمهوریت پورې اړوندو موضوعاتو کې «ډېر ښه» عمل کړی دی.
