په ټیکساس کې د «والیرو» تیلو د تصفیې په فاریکه کې چاودنه شوې
رويټرز خبرې اژانس د ځایي رسنیو له قوله راپور ورکړی چې د ټیکساس په پورټ ارټور کې د «والیرو» تیلو د تصفیې په فابریکه کې تر چاودنې وروسته پراخه اورلګیدنه رامنځ ته شوې. راپور زیاتوي چې دغه فابریکه د ورځې د ۳۸۰ زره بېرله تېلو د تصفیې ظرفیت لري.
ځايي رسنیو او چارواکو تر اوسه د زیان او پېښې لامل په اړه څه نه دي ویلي، خو رویټرز د ځایي رسنیو له قوله لیکلي چې ښايي دا چاودنه د صنعتي تودوخې له کبله رامنځ ته شوې وي.
