ډونالډ ټرمپ: ایران منلې چې هېڅکله به اټومي وسلې ونهلري
د امریکا ولسمشر ډونالډ ټرمپ ویلي، چې له ایران سره د اټومي وسلو په اړه خبرې کوي، خو غواړي دا روښانه کړي چې تهران دمخه د اټومي وسلو د نه لرلو ژمنه کړې ده. ټرمپ د ایران په تړاو وویل: «په یاد ولرئ، هغوی باید اټومي وسلې ونهلري».
ټرمپ زیاته کړه: «موږ د همدې موضوع په اړه خبرې کوو. زه نه غواړم مخکې له وخته څه ووایم، خو هغوی منلې ده چې هېڅکله به اټومي وسلې ونهلري. هغوی له دې موضوع سره هوکړه کړې ده».
