نړۍ له یوه لنډمهاله ټکان سره مخامخ نه ده، بلکې د اکمالاتي ځنځیرونو او اتحادونو له پاشل کېدو سره مخ ده. راسلفان چې د نړۍ د مایع طبیعي ګازو پنځمه برخه یې برابروله، له ۳ تر ۵ کلونو پورې له کاره لوېدلی او کلنی زیان یې شاوخوا ۲۰ میلیارده ډالره اټکل کېږي.
د هرمز تنګي له لارې د تېلو لېږد ۹۶سلنه کم شوی، یعنې په ورځ کې له ۱۹ میلیون بېلر څخه ۶۰۰ زره بېلرو ته راښکته شوی دی.ایران د جګړې د پای ته رسولو هڅه نه کوي، بلکې د بریدونو د ریتم په برابرولو سره له 'غبرګوني او انتخابي تېرېدو' څخه د یوه فشار د وسیلې په توګه استفاده کوي.د ټرمپ او شيجین پینګ ترمنځ ناسته له ۵ تر ۶ اوونیو پورې ځنډېدلې ده او چین له ایران سره د کښتیو د تېرېدو په اړه جلا خبرې اترې پیل کړې دي.انرژي او کمښتونه:فزیکي بازار له کاغذي بازار څخه جلا شوی دی: د برنټ ډوله تېلو بیه له ۱۰۰ تر ۱۱۹ ډالرو ده، خو د عمان تېل چې د هرمز تنګي له لارې نه لېږدول کېږي، بیه یې ۱۵۴ ډالرو ته رسېدلې ده او علت یې هم دا دی چې د هرمز تنګي شاته ایسار شوي تېل د "منځني-تراش ډول دي یعنې هغه ډول چې د جاپان، سوېلي کوریا او اندونیزیا تصفیهخونې ورته جوړې شوې دي. د دې تېلو پر ځای د برنټ یا WTI ډوله سپکو تېلو کارول د کیفیت له کمېدو پرته ممکن نه دي، نو له همدې امله د عمان تېل په ډېره لوړه بیه پېرودل کېږي.پر راسلفان برید همدارنګه د کیمیاوي سرې نړۍوال تولید ۱۰ سلنه او د هیلیم ګاز چې د چېپونو او طبي وسایلو لپاره مهم دی ۳۵ سلنه تولید ګډوډ کړی دی. د بیارغونې لپاره له ۳ تر ۵ کلونو پورې وخت د مایع ګازو د کمښت تر ټولو کمه موده ټاکي.روسیه:په ۱۲ ورځو کې له ۱.۳ تر ۱.۹ میلیارده ډالرو پورې اضافي عاید ترلاسه شوی او میاشتنۍ ګټه یې له ۳.۳ تر ۴.۹ میلیارده ډالرو پورې اټکل کېږي. هند له روسیې څخه د تېلو واردات په ورځ کې ۱.۵ میلیون بېلرو ته زیات کړی او د اورالز تېل له برنټ څخه له ۲۰ تر ۳۰ ډالرو په لوړه بیه معامله کېږي. امریکا هم ځینې بندیزونه نرم کړي دي. چین بیا له روسیې څخه د ګازو د نللیکې جوړولو چارې ګړندۍ کړې دي.عمان:خپل تېل له رسمي نرخ څخه په لوړه بیه پلوري. د صحار، دقم او صلاله بندرونه د جګړې له سیمې بهر دي او هغه سوداګریز جریانونه جذبوي چې له خپلې اصلي لارې اوښتي دي.د سپکو تېلو او مایع ګازو صادرونکي لکه ناروې، الجزایر، قزاقستان او امریکا بېسارې ګټې ترلاسه کوي.لوجستیکي ضربه:د اېماېسسي، مایرسک او کاسکو شرکتونو خلیج ته د کښتیو لېږدول او د ځای نیول بند کړي دي. شاوخوا ۳۲۰۰ کښتۍ په ټپه ولاړې دي او د جنګي بیمې لګښت ۱۲ چنده زیات شوی دی. سیمې ته د چین صادرات د ۲۰۲۶ کال په لومړیو دوو میاشتو کې ۳۰ میلیاردو ډالرو ته ورسېدل او پیکینګ له ټرانسپورټي شرکتونو غوښتي، چې بیې کنټرول کړي.جیوپولیټیک او اسیا:چین، هند، جاپان او کوریا د خپلو تېلو د وارداتو شاوخوا ۷۰ سلنه برخه له منځني ختیځ څخه د هرمز تنګي له لارې ترلاسه کوي. چین او هند له ایران سره په خبرو بوخت دي او ورته مهال یې له روسیې څخه د تېلو واردات زیات کړي دي. د امریکا او چین د ناستې ځنډېدو د واشنګټن او پیکینګ ترمنځ ستراتیژیک واټن نور هم زیات کړی دی.پانګه او بندیزونه:امریکا هند ته د روسیې پر صادراتو فشار کم کړی او ان د دې نرمښت د پراخېدو احتمال هم شته چې دا چاره د بندیزونو جوړښت کمزوری کولای شي. د قطر د پانګونې اداره (QIA) د ګازو د عایداتو د ۲۰ میلیارده ډالري کمښت له امله ښايي د خپلو شتمنیو پلور پیل کړي، چې دا به د املاکو او ونډو نړۍوالو بازارونو ته یو ګواښ وي.د پورونو د پاڼو بازارونه د انفلاسیون دوام او د ګټې د نرخونو په راکمولو کې د ځنډ وړاندوینه کوي.لرلید:ان که چېرې ژر اوربند هم وشي نو ښايي د عمان په منځګړیتوب ایران به د تضمینونو او بندیزونو د لېرې کولو غوښتنه وکړي. په هرمز تنګي کې به نوې واکمني چې انتخابي او سیاسي ده، په خپل حال پاتې شي. د بیمې شرکتونه به د سیمهییزو ځواکونو لهخوا د پرلهپسې ګواښونو له امله د دې لارې له پوښښ څخه ډډه وکړي.بنسټیزه پوښتنه دا ده، چې ایا پر امریکا د کښتیو د ازاد تګراتګ د تضمین کوونکي په توګه باور کمزوری شوی دی؟ د عمان د بهرنیو چارو وزیر ویلي، چې امریکا پر خپل بهرني سیاست کنټرول له لاسه ورکړی دی.په پایله کې، د پانګونې پرېکړې باید د انرژۍ د امنیت، د بدیلو لارو او د منځني-ترش تېلو د جوړښتي محدودیتونو پر بنسټ تنظیم شي.
