مکرون له ایران څخه وغوښتل چې له امریکا سره په "ښه نیت" مذاکراتو ته داخل شي
د فرانسې ولسمشر امانوېل مکرون له خپل ایراني سیال مسعود پزشکیان سره په ټلیفوني خبرو کې پر سیمهییزو هېوادونو د بریدونو پر سمدستي بندولو او په هرمز تنګي کې د بېړۍ چلونې د ازادۍ پر بېرته راګرځولو ټینګار کړی دی.
هغه زیاته کړه: «ما له ایران څخه وغوښتل چې په ښه نیت خبرو اترو ته داخل شي، ترڅو د کړکېچ کمولو په لور لاره پرانیستل شي او یو داسې چوکاټ رامنځته شي چې د ایران د اټومي او توغندیز پروګرام او همدارنګه د سیمې د بېثباته کوونکو فعالیتونو په اړه د نړۍوالې ټولنې غوښتنو ته ځواب ووایي.»
د فرانسې ولسمشر امانوېل مکرون له ایراني چارواکو غوښتي، چې د دوو فرانسوي وګړو سیسیل کولر او ژاک پاریس په بېرته خوشې کولو او خپل هېواد ته په ستنولو کې چټک ګامونه پورته کړي.
