ایران د اسراییل پر شمال، جنوب او مرکزي سیمو توغندي توغولي
ایران د ټرمپ له څرګندونو یوه ورځ وروسته چې ویلي یې و له تهران سره یې ګټورې خبرې شوې دي، د سې شنبې په ورځ پر اسراییل ګڼ توغندي وورول. دغو بریدونو د اسراییل شمال، جنوب او مرکزي سیمې په نښه کړې دي.
درې لوړپوړو اسراییلي چارواکو، چې د نوم نه اخیستلو په شرط یې رویټرز ته خبرې وکړې، وویل چې ټرمپ په ښکاره ډول د هوکړې ترلاسه کولو ته ژمن دی، خو دوی باور لري چې ایران به د متحده ایالاتو په غوښتنو هوکړه ونه کړي.
ایراني توغندیود تلابیب په لوی ښار کې د هوايي برید سیګنالونه فعاله کړل او ځینې ودانۍ زیانمنې شوې.
اسراییلي پوځ وویل چې د دوشنبې په ورځ یې د تهران په مرکزي برخو کې ستر بریدونه کړي چې د ایران اسلامي جمهوریت د مهمو قوماندانیو مرکزونه او د سپاه پاسداران او استخباراتو اړوند برخې پکې په نښه شوې دي.
