د اختر په لومړيو درېیو ورځو کې؛ په بلوچستان کې ۵۱۴ ټرافیکي پېښې شوې دي

یادې ادارې ويلي، چې تر ټولو ډېرې پېښې د کویټې کراچۍ پر لویې لار په لکپاس، قلات، خضدار، لسبیله او وندر سیمو کې شوې چې شمېر يې ۱۸۰ ته رسېږي او په دې پېښو کې دوه کسان مړه او ۳۰۰ نور ټپیان شوي دي.

له دې سره سم اېن ۵۰ لویه لار چې د کویټې ښار له پنجاب ایالت سره نښلوي، هم د ټرافیکي پېښو شاهده وه؛ پر یادې لویې لارې د سیف‌الله کلا، شېراني ،زیارت کراس او ژوب سیمې پرتې دي چې ټولې ۲۳۱ ټرافیکي پېښې په‌کې شوې او په دې پېښو کې ۲۷۴ کسان ټپيان شوي دي. دارنګه د مکران په کوسټل لویې لار هم ټرافیکي پېښې شوې چې له کبله يې ګڼ شمېر کسان ټپيان شوي دي.