د سرچینو په وینا، « دا حالت په سیمه کی ښکیلو ډلو ته د منلو وړ نه و، ځکه هر څو ورځې وروسته بازار د جګړې په ډګر بدلېده او خلک په پای کې اړ شول، چې خپل کاروبارونه او حتا کورونه پریږدي».
اوس دغه بازار تړلی دی او د پخوا په څېر پکې پېر او پلور نه کیږي.
یوې سیمه ییزې سرچینې افغانستان انټرنشنل ته وویل، چې د سیمې او خلکو په ګټه اوچتېدونکي غږونه د ښکیلو خواوو له خوا غلي کیږي او زلمیان اړ وځي، چې یا غلي پاتې شي او یا هم د سر خوندي کولو لپاره له سیمې ووځي.
