د ګوګل شرکت پخوانی مدیر د بيبيسي نوی رییس ټاکل شوی
بيبيسي شبکې د چارشنبې په ورځ اعلان وکړ چې د ګوګل شرکت پخوانی مدیر مت بریتین د دې شبکې د نوي مشر په توګه ټاکل شوی. هغه د ټیمي ډېوي ځای ناستی دی، چې تېر کال د ډونالډ ټرمپ د وینا اړوند مستند په تړاو له رامنځته شویو جنجالونو وروسته یې دنده پرېښوده.
مت بریتین په داسې حساس وخت کې د بيبيسي مشري پر غاړه اخلي، چې دغه رسنۍ د ډونالډ ټرمپ له لوري د ۱۰ میلیارد ډالرو حقوقي دعوې سره مخ ده.
د امریکا ولسمشر، ډونالډ ټرمپ، بيبيسي تورنه کړې چې د ۱۳۹۹ کال په مرغومي میاشت کې یې د هغه د وینا ځینې برخې تحریف کړې دي.
