ډونالډ ټرمپ: د چین له ولسمشر سره د غويي په ۲۴مه او ۲۵مه په بېجينګ کې لیدنه لرم

ټرمپ زياته کړه، چې دی او مېرمن يې ملانيا ټرمپ به د روان کال په کومه بله نېټه کې بیا د شي جين‌پينګ او د هغه د مېرمنې مادام پينګ کوربه‌توب په واشنګټن ډي‌سي کې وکړي. د امريکا ولسمشر وويل، چې د دواړو هېوادونو استازي دا مهال د دغو ليدنو د چمتووالي وروستۍ چارې بشپړوي.

ټرمپ دا ناسته «ډېره مهمه او برخليک ټاکونکې» وبلله او ويې ويل، چې له خپل چينايي سيال سره د ليدنې لپاره لېواله دی.