د افغانستان د فوټبال ملي لوبډله نن د میانمار پر وړاندې لوبه کوي

دغه لوبه به د یانګون په ټوونا لوبغالي کې ترسره شي او ټاکل شوې ده، چې افغان لوبغاړي به په سرو جامو کې او د میانمار لوبډله به په سپینو هغو کې لوبغالي ته ننوځي.
د ۲۰۲۷کال اسیا جام په درېیم کوالیفای پړاو سیالیو کې افغانستان د سوریې، میانمار او پاکستان سره د سیالۍ په پنځم ګروپ کې دی؛ خو د تېرو لوبو د پایلو له امله بل پړاو ته د تګ چانس نه‌لري.

میانمار هم په ورته حالت کې دی. له همدې امله د دواړو لوبډلو ترمنځ نننی لوبه به رسمي وي او یوازې د سیالیو مهالوېش بشپړولو لپاره به ترسره شي. له دې ډلې د سوریې لوبډلې د یادو سیالیو بل پړاو ته لار موندلې ده.