فایننشل ټایمز: روسیه ایران ته د بې‌پیلوټه الوتکو او حیاتي مرستو د استولو په درشل کې ده

دغې رسنۍ د چهارشنبې په ورځ (د وري ۵مه) لیکلي: «د هغو دوو چارواکو په وینا چې له دغو راپورونو خبر دي، د ایران او روسیې لوړپوړو چارواکو پر تهران د اسراییل او امریکا له بریدونو څو ورځې وروسته په محرمانه توګه د بې‌پیلوټه الوتکو د استولو په اړه خبرې اترې کړې دي. د دغو جوپو د چمتو کولو لړۍ چې د مارچ میاشتې په پیل کې پیل شوې وه، ټاکل شوې چې د روانې میاشتې تر پایه بشپړه شي».
د باوري سرچینو په وینا، روسیه له تهران سره نږدې اړیکې لري او تر دې وړاندې یې هم د مهمو ملاتړو په لړ کې سټلایټ (سپوږمکۍ) انځورونه، د هدف ټاکنې ډېټا او استخباراتي معلومات د ایران په واک کې ورکړي دي.
د راپور له‌مخې، د بې‌پیلوټه الوتکو په څېر د وسلو لېږل کېدای شي د جګړې له پیل راهیسې له تهران څخه د مسکو د «وژونکي نظامي ملاتړ» لومړنۍ نښه وي.