ملا حسن اخوند او د مالیزیا لومړی وزیر د طالبانو او پاکستان ترمنځ پر کړکېچ غږېدلي

مجاهد پر ایکس خواله رسنۍ کې لیکلي چې رییس الوزرا په سیمه کې د ترینګلتیاوو د زیاتوالي له امله اندېښنه ښودلې او ویلې یې دي چې د طالبانو دریځ واضح دی او ستونزې باید د تفاهم او ګډې همکارۍ له لارې حل شي.

نوموړي همدارنګه د تېر کوچني اختر پر مهال د سعودي عربستان، ترکيې او قطر د غوښتنې په پام کې نیولو سره د لنډمهالي اوربند په اړه د طالبانو نېک نیت یادونه کړې. هغه ټینګار کړی چې تاوتریخوالی د هېڅ لوري په ګټه نه دي او د ستونزو د حل لپاره باید له حکمت او عقلانیت څخه کار واخیستل شي.

بل خوا د مالیزیا لومړي وزیر هم د سیمې وضعیت ته اندېښنه ښودلې او هیله یې څرګنده کړې چې د طالبانو او پاکستان ترمنځ شته ستونزې د مخلصانه تفاهم له لارې حل شي. نوموړي زیاته کړه چې مالیزیا هڅه کوي په دې برخه کې مثبت رول ولوبوي