ټرمپ: ډېری خلک داسې انګیري چې ګواکې امریکا د جګړې د بایللو په درشل کې ده
د امریکا ولسمشر ډونالډ ټرمپ پر کورنیو رسنیو کلکه نیوکه وکړه او ادعا یې وکړه، چې هغوی د ایران د جګړې په اړه "ناسم" انځور وړاندې کوي، په داسې حال کې چې د ده په وینا، امریکا په دغه نښته کې برلاسې ده.
نوموړي د چهارشنبې په ماښام (د وري ۵مه) په واشنګټن کې د جمهوري غوښتونکو لپاره د مالي مرستو ټولولو په مراسمو کې د رسنیو لویه برخه منځپانګه "جعلي خبرونه" وبلل او زیاته یې کړه، که مخاطبان دغو راپورونو ته پام وکړي، نو دا به د حیرانتیا خبره نه وي چې تصور وکړي امریکا جګړه بایلي، په داسې حال کې چې د هغه په وینا امریکایي ځواکونه مقابل لوری لهمنځه وړي.
ټرمپ همدارنګه ادعا وکړه، چې ان ځینې هغه رسنۍ چې د ده په وینا "غوره" عمل کوي، د امریکا فعالیت یوازې "د منلو وړ" بولي، په داسې حال کې چې د هغه په خبره میداني واقعیت له دغو ارزونو پورته دی.
هغه د ایران پوځي ځواک ته په اشارې سره وویل: «دوی نور سمندري ځواک نهلري، هېڅ نهلري» او یو ځل بیا یې ټینګار وکړ چې په رسنیو کې وړاندې شوی انځور له واقعیت سره توپیر لري.
