د فارس خلیج د عربي هېوادونو ګډه اعلامیه: ایران باید سمدستي خپلو بریدونو ته د پای ټکی کېږدي
د فارس خلیج عربي هېوادونو د یوې ګډې او سختې اعلامیې په خپرولو سره د ایران او د هغوی د نیابتي ځواکونو بریدونه وغندل او دا یې د ملي حاکمیت، ځمکنۍ بشپړتیا، نړۍوالو قوانینو، بشري حقونو او د ملګرو ملتونو د منشور ښکاره سرغړونه وبلله.
سعودي عربستان، قطر، کویټ، متحده عربي امارات، بحرین او اردن د پنجشنبې په سهار (د وري ۶مه) په دغې اعلامیه کې په ځانګړي ډول پر هغه بریدونو ټینګار کړی، چې د ایران حکومت تر ملاتړ لاندې وسلهوالو ډلو لهخوا د عراق له خاورې د سیمې د څو هېوادونو او د هغوی د بنسټونو او تاسیساتو پر ضد شوي دي.
دا پرېکړهلیک په ډاګه له ایراني حکومته غواړي، چې پر ګاونډیو هېوادونو هر ډول بریدونه او ګواښونه سمدستي او له کوم قید او شرط پرته ودروي.
