د طالبانو د دفاع وزارت وایي، چې د لوی درستیز لومړي مرستیال، مالیخان صدیق، نن جمعه د وري په ۷ نېته، د پکتیکا ولایت د تروی ولسوالۍ له هغې سیمې څخه لیدنه کړې، چې پاکستاني رسنیو یې د سقوط په اړه ناسم او له حقیقت څخه لرې راپورنه خپاره کړي و.
مالیخان ویلي، چې له یادې سیمې څخه په لیدنه کې څرګنده شوه، چې دغه سیمه په بشپړ ډول د طالبانو تر کنټرول لاندې ده، او د پاکستاني رسنیو له خوا خپاره شوي راپورونه هېڅ بنسټ نه لري. هغه ټینګار کړی چې کورنۍ او نړیوالې رسنۍ هم کولای شي چې له دې سیمې لیدنه وکړي.
دغه وزارت همداراز ویلي، چې د طالبانو دفاعي ځواکونه په بشپړ قاطعیت سره ژمن دي، چې د هېواد د ټولیزې خاورې دفاع وکړي، او په هېڅ شرایطو کې حتی یو لویشت خاوره هم چا ته پرېنږدي. ولس کولای شي په دې برخه کې بشپړ باور ولري
