د اسراییل پوځ: په تېره یوه میاشت کې د حزبالله له ۸۰۰ څخه زیات وسلهوال وژل شوي
د اسراییل پوځ وایي، چې له ایران سره د جګړې په پایله کې د نښتو له شدت راهیسې په تېره یوه میاشت کې یې په لبنان کې د حزبالله لږترلږه ۸۰۰ غړي وژلي دي.
د اسراییل د پوځ په وینا، په وژل شویو کې د یادې ډلې د «رضوان» په نوم د ځانګړې قطعې سلګونه غړي هم شامل دي.
بلخوا، د لبنان د روغتیا وزارت تر دې وړاندې راپور ورکړی و چې په دغو نښتو کې لږترلږه ۱،۱۸۹ کسان وژل شوي، خو په دې شمېرو کې د ملکي وګړو او وسلهوالو ترمنځ توپیر نه دی شوی.
د اسراییل پوځ ویلي، چې په وروستیو ورځو کې یې د حزبالله شاوخوا ۱۷۰ مرکزونه په نښه کړي او ځمکني ځواکونه یې لا هم د لبنان په سوېل کې پر عملیاتو بوخت دي.
