په بادغیس کې د سېلابونو له امله څلور کسان مړه شوي دي
د طالبانو سیمه ییز چارواکي وايي، چې د بادغیس ولایت په قادس او دره بوم ولسوالیو کې د سیلابونو له امله څلور کسان وژل شوي او درې ټپیان شوي. د طالبانو د بادغیس د امنیتي قوماندانۍ ویاند وویل چې د قربانیانو له ډلې څخه درې یې د خپلو توکو د راټولولو پرمهال د سیلابونو له امله مړه شوي.
د طالبانو د بادغیس د امنیې قوماندانۍ ویاند صدیق الله صدیقي وویل، چې د ولایت په نورو ولسوالیو کې هم خلکو ته مرګ ژوبله او د مالي زیانونه اوښتي دي، خو دقیق معلومات شتون نلري.
هغه پر فیسبوک پاڼه کې د بادغیس اوسیدونکو ته خبرداری ورکړ، چې د اوبو لارو او سیندونو څخه لرې پاتې شي.
د افغانستان انټرنیشنل لخوا ترلاسه شوي انځورونه په هرات او غور کې هم پراخه سیلابونه ښیې.
