د سپاه پاسداران ګواښ: په لوېدیځه اسیا کې د امریکا او اسراییل پوهنتونونه په نښه کېږي
سپاه پاسداران د یوې اعلامیې په خپرولو سره ویلي، چې په لوېدیځه اسیا کې به د امریکا او اسراییل پوهنتونونه په نښه کړي. په دې اعلامیه کې په سیمه کې د امریکایي پوهنتونونو محصلینو او استادانو ته خبرداری ورکړل شوی، چې له خپلو پوهنتونونو څخه یو کیلومتر واټن ونیسي.
د سپاه پاسداران په اعلامیه کې د «علم او صنعت» پوهنتون د یوې برخې او نورو پوهنتونونو په نښه کېدو ته په اشارې سره راغلي، چې د دغه اقدام په غبرګون کې د امریکا او اسراییل پوهنتونونه «مشروع اهداف» دي.
سپاه پاسداران ویلي، یوازې هغه مهال به د امریکا د پوهنتونونو له ویشتلو تېر شي چې د امریکا حکومت په یوه رسمي اعلامیه کې د پوهنتونونو بمبارول وغندي.
