د طالبانو تر واک لاندې له پېښو سره د مبارزې او چمتووالي ملي ادارې ویلي، چې دغه ادارې د تېر ۱۴۰۴ لمريز کال په لړ کې د افغانستان په کچه د څه باندې ۱.۷ مېليارده افغانیو په ارزښت مرستې وېشلې دي.
د یادې ادارې په خپرې شوې خبرپاڼه کې راغلي، د خپلو ملي او نړۍوالو همکارو موسسو د شته امکاناتو په کارولو سره توانېدلي چې په ۱۴۰۴ لمريز کال کې د افغانستان په کچه پر ۶۰۸زره او ۷۶۸ کورنيو د خوراکي او غيرخوراکي توکو او نغدي مرستې ووېشي.د خبرپاڼې له مخې؛ له دې ډلې پر ۲۹۷زره او ۶۰۳ کورنيو ته د خوراکي او غيرخوراکي توکو مرستې او دارنګه پر ۳۱۱زره او ۱۶۵ کورنيو بيا نغدي مرستې وېشل شوې دي.
له بل پلوه د طالبانو د شهیدانو او معلولینو چارو وزارت هم ویلي، چې د ۱۴۰۴کال په لړ کې یې له لسګونه زره کونډو، یتیمانو او معلولینو سره د ۱۰ مېلیون ډالرو په ارزښت مرستې کړې دي.
