پاکستان د ایران د جګړې په اړه د مذاکراتو لپاره امنیتي تدابیر پراخ کړي
پاکستان د ایران او امریکا ترمنځ د جګړې په اړه د څلور اړخیزو خبرو اترو څخه وړاندې په پلازمېنې اسلاماباد کې امنیتي تدابیر پراخ کړي دي. د مصر او ترکیې د بهرنیو چارو وزیران پاکستان ته رسېدلي دي او ټاکل شوې ده، چې د سعودي عربستان د بهرنیو چارو وزیر هم په دغه ناسته کې ګډون وکړي.
دغه خبرې اترې به پر سیمهییزو مسلو او د ایران په جګړه کې د تاوتریخوالي کمولو پر هڅو متمرکزې وي. ترکي چارواکو ویلي، چې په دغه جګړه کې یې د ایران لهخوا توغول شوي څو توغندي په خپل هوايي حریم کې شنډ کړي دي او سعودي عربستان هم د ورځنیو توغندیزو بریدونو هدف ګرځېدلی دی.
پاکستان چې له دواړو لورو یعنې امریکا او ایران سره ښې اړیکې لري، په دې لړ کې د منځګړي رول ترسره کوي او د واشنګټن ۱۵ مادهییزه د سولې پلان یې تهران ته رسولی دی. یو پاکستانی شنونکی وایي، تمه نه کېږي چې خبرې ژر پایله ورکړي؛ خو د دې زمینه به برابره کړي، چې د خلیجي هېوادونو او ایران تر منځ د پیغامونو تبادله د پاکستان له لارې ترسره شي.
