رویټرز: په غزه کې د اسراییل په بریدونو کې شپږ کسان وژل شوي
رویټرز خبري اژانس د روغتیايي چارواکو له قوله راپور ورکړی، چې د حماس تر کنټرول لاندې د پولیسو پر دوو پوستو د اسراییل په هوایي بریدونو کې شپږ فلسطینیان وژل شوي او څلور نور ټپیان دي.
روغتیايي چارواکو رویټرز ته ویلي، چې اسراییلي الوتکو د غزې تړانګې په سوېل کې د خان یونس په سیمه کې د پولیسو پر دوو پوستو برید کړی، چې له امله یې درې پولیس او د یوې نجلۍ په ګډون درې ملکیان وژل شوي او څلور نور ټپیان دي.
اسراییل تر اوسه د یادو بریدونو په اړه څه نه دي ویلي.
بلخوا، روغتیايي چارواکو ویلي چې له حماس سره تر اوربند وروسته د نوامبر میاشتې راهیسې د اسراییل د بریدونو له امله په غزه کې تر ۶۸۰ ډېر فلسطینیان وژل شوي دي.
