د ازبکستان پلازمېنې تاشکند ښار کې د «افغانستان تولید» په نامه د افغان محصولاتو څلور ورځنی نندارتون پای ته ورسېد. د افغانستان د سوداګرۍ او پانګونې خونه وایي، دغه نندارتون د افغان سوداګرو لپاره له لاسته راوړنو ډک و چې په ترڅ کې یې له بهرنیو سوداګرو سره ګڼ تړونونه لاسلیک شوي دي.
د افغانستان د سوداګرۍ او پانګونې خونه وایي، چې په یاد نندارتون کې ۸۰سلنه افغاني محصولات پلورل شوي دي. یادې خونې زیاته کړې، چې د یاد نندارتون موخه د صادراتو تولید او د سیمهییزو سوداګریزو اړیکو پیاوړتیا ښودل شوې ده.
د یادې خونې په وینا؛ دغه نندارتون د ملګرو ملتونو د پراختیايي پرواګرام په ملاتړ جوړ شوی و، چې پهکې ۱۲۰ افغان سوداګرو ګډون کړی و. د دغه خونې د معلوماتو له مخې؛ په نوموړي ننداتورن کې غالۍ، تازه او وچې مېوې، زعفران، څڼغوزي، پنبه، ګران بیه او نیمه ګران بیه ډبرې او په افغانستان کې تولید شوي بېلابېل ډوله مشروبات تر ۶۰ زیاتو غرفو کې نندارې ته وړاندې شول.
