د اوکراین ولسمشر ولادیمیر زېلېنسکي په خپلو تازه څرګندونو کې ویلي، چې روسي ځواکونو یوازې روانه اونۍ پر اوکراین څه باندې ۳زره بېپیلوټه الوتکې په ځانګړي ډول «شاهد» ډرونونه او تر ۱۴۵۰ پورې هدایت شوي هوایي بمونه او ۴۰ بېلابېل توغندي کارولي دي.
هغه پر اېکس پاڼه لیکلي: «روسیه نه یوازې دا چې زموږ پر هېواد او خلکو خپله جګړه نه کموي؛ بلکې په ښکاره ډول هڅه کوي بلې اوږدې جګړې ته لاره هواره کړي، چې د نړۍوالې بېثباتۍ لامل کېږي».
زېلېنسکي ټینګار کړی:« دغه ډول بریدونه ښيي، چې روسیه د جګړې د پای ته رسولو نیت نهلري».
هغه زیاته کړې: «پر اوکراین هماغسې ډرونونه کارول کېږي لکه څنګه چې په منځني ختیځ او خلیج کې پر نورو هېوادونو په بریدونو کې کارول شوي». هغه ویلي، چې «نړۍ باید وخت او فرصتونه له لاسه ورنهکړي. روښانه، پرېکنده او همغږې هڅې د جګړې د درولو لپاره ضروري دي».
زېلېنسکي غوښتنه کړې، چې باید ګډ او عصري دفاعي سیسټمونه رامنځته شي او د وړتیاوو یووالی د دې لامل شي چې خلک په اروپا، منځني ختیځ او د نړۍ په نورو برخو کې په سولهییزه توګه ژوند وکړي.
