د سعودي عربستان د بهرنیو چارو وزیر اسلاماباد ته ورسېد
د سعودي عربستان د بهرنیو چارو وزیر شهزاده فیصل بن فرحان ال سعودپه پاکستان کې په څلوراړخیزه ناسته کې د ګډون لپاره اسلام اباد ته رسېدلی. په دې غونډه کې د سعودي عربستان، پاکستان، مصر عربي او ترکیې استازي برخه اخلي.
هغه ته په اسلام اباد کې د پاکستان د بهرنیو چارو وزارت د منځني ختیځ د څانګې اضافي سکرتر سید احمد معروف هرکلی ووایه.
د پاکستاني رسنیو د رپوټونو له مخې، ټاکل شوې ده چې د دې سفر پر مهال به د سعودي عربستان د بهرنیو چارو وزیر د سیمې د مهمو پرمختګونو او د دواړو هېوادونو د ګډو ګټو پر موضوعاتو خبرې اترې وکړي.
اسلام اباد د منځنۍ ختیځ د شخړو د اواري په تړاو ددغو هېوادونو د استازو د ډیپلوماتیکو هڅو کوربه دی.
