پاکستان په سیمه کې د بریدونو او دوښمنیو د پای ته رسولو غوښتنه وکړه
د پاکستان د بهرنیو چارو وزیر اسحاق ډار د ایران د بهرنیو چارو له وزیر عباس عراقچي سره په ټلیفوني خبرو کې په سیمه کې د «ټولو بریدونو او دوښمنیو د پای ته رسولو» غوښتنه وکړه.
د اسوشېټېډ پرېس خبري اژانس د راپور لهمخې، دا خبرې اترې په اسلاماباد کې د پاکستان، سعودي عربستان، ترکیې او مصر د لوړپوړو ډیپلوماټانو له کتنې وړاندې شوې دي.
د پاکستان د بهرنیو چارو وزارت ویلي، ډار عراقچي ته ډاډ ورکړی چې اسلاماباد په سیمه کې د سولې او ثبات د بیا ټینګښت په موخه د هلو ځلو ملاتړ ته ژمن دی.
