اندونیزیا کې د طالبانو او قزاقستان سفیران د سیاسي او اقتصادي اړیکو پر پراختیا غږېدلي

یرمک‌بایف ټاس خبري اژانس ته وویل: «د شانګهای همکاری سازمان د افغانستان او پاکستان ترمنځ وضعیت له نږدې څاري».

هغه زیاته کړې، چې په اوسني وخت کې، پاکستان او افغانستان د سازمان د امکاناتو د کارولو یا د کومو اقداماتو غوښتنه نه ده کړې، خو سازمان په نږدې د وضعیت څارنه کوي.

د دواړو هېوادونو اړیکې په فبرورۍ میاشت کې ترینګلې شوې.

پاکستان د افغانستان په سرحدي سیمو کې د ترهګرو ډلو د ځپلو په نامه بریدونه وکړل او طالبانو یې پر وړاندې ځوابي غچ اخېستونکي بریدونه وکړل، چې د دواړو خواوو ترمنځ یې اړیکې لاترینګلې کړې.

طالبان او پاکستاني استازي دمګړۍ د چین په ارومچي ښار کې په خبرو اترو بوخت دي.

یرمک‌بایف ویلي چې د افغانستان وضعیت په دوامداره توګه د سازمان د غړو هېوادونو تر نږدې څارنې لاندې دی.

هغه زیاته کړې، چې «غړي هېوادونه وضعیت مطالعه کوي او په دې پوهیږي چې افغانستان د ټولې سیمې پر وضعیت اغېز لري. مخکې موږ د افغانستان په تړاو د شانګهای د تماس فعاله ډله لرله، که څه هم دې ډلې اوس خپله فعالیت ځنډولی، خو افغانستان لا هم د سازمان د پام په مرکز کې دی».

په کابل کې د ایران سفارت د دوشنبې په ورځ اعلان وکړ چې د افغانانو مالي مرستې ترلاسه کولو ته چمتو دی.

ویل کیږي دا اقدام د هغو افغانانو د غوښتنې په ځواب کې دی چې د جګړې په جریان کې مالي ملاتړ غواړي.

د مرستې په لاروچارو کې د نغدو پیسو سپارل، بانکي حساب ته پیسې لیږل، د ایران سرې میاشتې ټولنې کوډ کارول او مستقیم حساب ته د پیسو لیږد شامل دي.

خو دا کمپاین له پراخو نیوکو سره مخ شوی.

د ټولنیزو شبکو افغان کاروونکو ویلي چې د هیواد اقتصادي وضعیت خراب دی او خلک نشي کولی د ایران له اسلامي جمهوریت سره مالي مرسته وکړي.

ځینې نور په ایران کې د افغان کډوالو د تجربو یادونه کوي او نیوکه کوي چې ایران مخکې د مهاجرینو پر وړاندې له خشونت او اخراج کار اخیستی دی.

ځینو ایراني کاروونکو هم دا اقدام غندلی او له افغانانو څخه یې د جګړې تر پای ته رسېدو وروسته د ایران په بیا رغونه کې د مرستې غوښتنه کړې ده.

د دې کمپاین ترڅنګ، د فاطميون ډلې د موټرو ویډیو خپرېدو په تهران کې په خلکو او ټولنیزو شبکو کې تازه بحثونه راپورته کړي.

دغه ملېشې د افغان شیعه کډوالو څخه جوړې شوې او مخکې په سوریه کې د ایران له خوا کارول شوې او ډیری غړي یې وژل شوي دي.

کارپوهان او د ټولنیزو شبکو کاروونکي خبرداری ور کوي چې دا کمپاین په داسې حال کې دی چې افغانستان له ژور اقتصادي او بشري بحران سره مخ دی او میلیونونه خلک بشري مرستو ته اړتیا لري.

دا لومړی ځل نه دی چې په افغانستان کې یوه مور په یو وار له یوه ډېر ماشومان زېږوي، بلکې له دې وړاندې د ننګرهار په سیمه ییز روغتون کې د شیزادو ولسوالۍ یوې اوسېدونکې مور څلور ماشومان زېږولي وو.

د یادولو وړ ده چې، څه موده وړاندې په کابل کې د ملګرو ملتونو استازولۍ ویلي وو چې افغانستان یو له هغو لسو هېوادونو څخه دی چې د مور او ماشوم مړینه پکې زیاته ده.

یاد دفتر دا هم ویلي وو، چې هر کال په نړۍ کې ۴.۵ میلیونه میندې او نوزیږي ماشومان یا د حاملګۍ پر مهال او یا هم له پیدا کېدو وروسته په لومړنیو اونیو کې په داسې حال کې مري چې د درملنې وړ هم وي.

د پاکستان د جمعیت علمای اسلام ګوند مشر مولانا فضل الرحمن نن دوشنبه، د وري پر ۱۷مه، په خیبر پښتونخوا کې یوې خبري ناستې ته وویل، چې د روانو پالیسیو په اړه د پارلمان غونډه راغواړي او په دې اړه به معلومات د ولس له استازو شریک شي.

مولانا په پښتونخوا کې پر خراب امنیتي وضعیت نیوکه وکړه او ویې ویل چې حکومت په خیبرپښتونخوا کې کنټرول له لاس ورکړی او واکمني یې نه چلیږي.

نوموړي د پاکستاني پوځ پر نظامي عملیاتو هم نیوکه وکړه او ویې ویل، چې روان عملیات د ناامنۍ لامل شوي دي.

مولانا فضل الرحمن ویلي، چې د تېلو کومې لس بیړۍ چې د پاکستان په نامه له هرمز تنګي را تېرې شوې، دوی نه دي لیدلې او نه هم پر بیو اغیز پرېوتی دی.

هغه خبرداری ورکړ، چې ددې ټولو موضوعاتو په اړه د اپریل میاشتې پر ۱۲مه نېټه له خیبر پښتونخوا څخه د حکومت پرضد تحریک پیلوي.

د طالبانو تر واک لاندې د پېښو پر وړاندې د مبارزې او چمتووالي ادارې ویاند محمد یوسف حماد نن دوشنبه، د وري پر ۱۷مه په یوه ویډیويي کلیپ کې ویلي، چې د روانو ورښتونو له امله په تېرو ۲۴ ساعتونو کې په کابل، کاپیسا، پکتیا، پکتیکا، میدان وردګ، زابل، هرات، غور، بادغیس، سرپل، فاریاب، بغلان، تخار، ننګرهار، لغمان، کونړ او نورستان ولایتونو کې ۱۱ تنه مړه شوي دی.

نن ماسپښین د وري پر ۱۷مه د خوست ښار مرکز متون کې د یو کور د دیوال نړېدو په پېښه کې ۳ مېرمنې مړې شوې دي، چې د ټولو مړو شویو کسانو شمېر ۱۱۳ تنو ته رسیږي.

په هېواد کې د درنو بارانونو او سېلابونو له امله په بشپړه توګه ۹۵۸ استوګنیز کورونه وېجاړ شوي او ۴۱۵۹ نور کورونه زیانمن شوي دی.

د یادې ادارې په وینا، سېلابونو ۳۵۶ کیلومتره سړکونه او نږدې ۱۵ زره هکتاره کرنیزه ځمکه هم زیانمنه کړې او ۲۹۲۰ ونې له منځه تللې او شاوخوا ۸۰۰۰ کورنۍ یې اغیزمنې کړې دي.

په ورته وخت کې د طالبانو د ټولګټو وزارت اعلان وکړ، چې د وروستیو بارانونو، سېلابونو او ځمکښویېدنې له امله په هیواد کې یو شمیر لویې لارې او سړکونه په موقت ډول تړلي دي.

سیلابونه په دوامداره توګه په افغانستان کې مرګونې طبیعي پېښې له ځان سره لري، چې هر کال سلګونه کسان پکې مري.

کارپوهان وايي چې پر اقلیمي تغییراتو او دوامدارې وچکالۍ سربېره، غیر معیاري ودانیز کارونه هم د پېښو او د مرګ ژوبلې شمېر لوړوي.