د ایران انټرنشنل سرچینې: د پزشکیان او سپاه پاسداران د چارواکو ترمنځ اختلاف رامنځته شوی
ایران انټرنشنل ته رسېدلي معلومات ښيي، چې د ایران په لوړو حکومتي کړیو کې بېساري اختلافات رامنځته شوي دي. د راپورونو لهمخې، د ایران د ولسمشر مسعود پزشکیان او د سپاه پاسداران د لوړپوړو قومندانانو ترمنځ ناندرۍ او ښکاره تقابل روان دی.
د ولسمشرۍ دفتر ته نږدې دوو سرچینو ویلي، چې د شنبې په ورځ (د وري ۱۵مه) د مسعود پزشکیان او د مجتبی خامنهیي نږدې کس حسین طایب ترمنځ تندې خبرې شوې دي. ګډونوال دا خبرې «ډېرې سختې او بحراني» یادي کړې دي.
په دې ناسته کې مسعود پزشکیان د سپاه پاسداران د قومندان احمد وحیدي او د خاتمالانبیاء قرارګاه قومندان علي عبداللهي کړنې «خپلسري» یادي کړې او زیاته کړې یې ده، چې د دوی پالیسي چې د سیمې پر هېوادونو او زېربیناوو د بریدونو د زیاتېدو لامل بلل کېږي، د اوربند ترلاسه کولو ټول فرصتونه لهمنځه وړي او ایران د یو ستر ناورین پر لور بیايي.
پزشکیان ټینګار کړی، چې د کره ارزونو لهمخې د ایران اقتصاد به د اوږدې جګړې تر فشار لاندې ډېر وخت دوام ونهکړي او بشپړ اقتصادي سقوط به حتمي وي.
