په بلوچستان کې د تندر لوېدو له امله دوه کسان مړه شوي او یو بل ټپي دی
د بلوچستان ایالت د کله عبدالله ولسوالۍ اړوند د نورک سلیمانخېل سیمې په یوه کور د تندر لوېدو له امله دوه کسان مړه شوي او یو بل ټپي شوی دی. د پولیسو په وینا، مړي او ټپی سمدستي دولتي روغتون ته لېږدول شوي دي.
د راپورونو لهمخې، په دې پېښه کې مړه شوي کسان بشیر احمد او زبیر احمد نومېدل او محمد شفیع هم د تندر د لګېدو له امله سوځېدلی او ټپي شوی دی.
د پولیسو د معلوماتو لهمخې، د پېښې مړي او ټپی سمدستي د کله عبدالله ولسوالۍ دولتي روغتون ته لېږدول شوي، چې د ټپي کس درملنه روانه ده. پولیس وایي، د قانوني چارو تر بشپړېدو وروسته د وژل شویو کسانو مړي خپلوانو ته یې وسپارل شول.
