د ایران په بېلابېلو سیمو کې د تازه چاودنو او هوايي بریدونو راپورونه خپاره شوي
د راپورونو لهمخې، نن سېشنبې (د وري ۱۸مه) د سهار شاوخوا درې بجې د تهران په بېلابېلو سیمو کې د نوې څپې چاودنو غږونه او د جنګي الوتکو الوتنې اورېدل شوې دي.
د راپورونو لهمخې، نن سېشنبې (د وري ۱۸مه) د سهار شاوخوا درې بجې د تهران په بېلابېلو سیمو کې د نوې څپې چاودنو غږونه او د جنګي الوتکو الوتنې اورېدل شوې دي.
د سهار له ۳:۰۲ تر ۳:۳۰ بجو پورې د تهران په شمالختیځو سیمو لکه لویزان، نارمک، هروي، نیاوران، نوبنیاد، اجودانیه، پاسداران، دروس او تهرانپارس کې پرلهپسې چاودنې اورېدل شوې او په ځینو ځایونو کې د هوايي مدافع ځواکونو فعالیت هم لیدل شوی دی.
د ایران د پلازمېنې په لوېدیځ او شماللوېدیځو برخو کې هم صادقیه، اکباتان، پونک، جنتاباد، ښارک غرب، سعادتاباد، باغفیض، زعفرانیه او د مهراباد هوايي ډګر شاوخوا سیمې د پرلهپسې چاودنو هدف ګرځېدلې دي.
د تهران په لوېدیځ کې د لوګي او اور د لیدل کېدو راپورونه هم خپاره شوي دي.
په مرکزي او جنوبي تهران کې هم د منیریه، ولیعصر، بلوار کشاورز، اسکندري، جوادیه او ښارري په ګډون سیمو کې د زورورو چاودنو غږونه اورېدل شوي او په ځینو ځایونو کې د ودانیو د لړزېدو راپورونه ورکړل شوي دي.
همداراز، داسې نا تایید شوي راپورونه هم خپاره شوي چې ګواکې په تهرانپارس (د تقينیا کوڅه) کې یو استوګنیز کور او د پردیس ۴م فاز کې څو نور ځایونه په نښه شوي دي.
په دماوند کې هم د سهار له ۳ څخه تر ۳:۱۸ پورې څو پرلهپسې چاودنې راپور شوې دي.
