د هوا پوهنې ادارې په ۲۱ولایتونو کې د شدید باران، تېزو بادونو او سېلابونو اټکل کړی

خبرپاڼه کې همدا راز ویل شوي چې د سالنګونو په ګډون په یخو او لوړو پرتو سیمو کې د واورې ورېدو احتمال هم شته دی. د باران اټکل کې نورستان، کونړ، ننګرهار، لغمان، کاپیسا، پروان، پنجشیر، بدخشان، تخار، کندوز، بغلان، سمنګان، بلخ، سرپل، فاریاب، غور، هرات، بادغیس، لوګر، پکتیا او خوست ولایتونه شامل دي.

د طالبانو د هوا پوهنې اداره داسې مهال دا خبرداري ورکوي چې له تېرې اونۍ راهیسې په افغانستان کې سخت بارانونه او پراخ سېلابونه روان دي چې له کبله یې لسګونه کسان مړه شوي او سلګونه نور ټپیان دي. همدا راز تر ۵زرو ډېر کورونه ویجاړ شوي او لسګونه زره کرنیزه ځمکه هم له‌منځه تللې ده.

دغو بارانونو د هېواد په ګوډ ګوډ کې د خلکو بشري وضعیت لا پسې بحراني کړی او د ملګرو ملتونو ملتونو په ګډون پر کابل واکمن طالبان نه دي توانیدلي چې اغېزمنو کورنیو سره لازمې مرستې او همکارۍ وکړي.