په غزه کې د الجزیرې یو خبریال د اسراییل په برید کې وژل شوی
الجزیزه وايي، د دغې شبکې یو خبریال په غزه کې د اسراییل په برید کې وژل شوی دی. دغې شبکې د یاد خبریال نوم محمد وشاح یاد کړی دی.
الجزیزه شبکه وايي، محمد وشاح په غزه کې د چهار شنبې په ورځ (د وري ۱۹مه) هغه مهال د غزې ښار لویدیځ ته پر ساحلي سړک «الرشید» ووژل شو، چې موټر یې د اسراییل د یوې بېپیلوټه الوتکې په وسیله په نښه شو.
دغه شبکه زیاتوي: «دا پېښه د امریکا په منځګړیتوب له رامنځته شوي اوربندڅخه د سرغړونو په ترڅ کې رامنځته شوې ده.».
د یادونې وړ ده، چې د اسراییل او حماس تر منځ د جګړې له پیل راهیسې (۲۰۲۳ د اکتوبر لومړۍ اونۍ) په غزه کې د وژل شویو خبریالانو شمېر ۲۶۲ ته ورسېد.
اسراییل لا تر اوسه د دغې پېښې په تړاو څه سپیناوی نهدی کړی.
